Koynuga no wuuridi e sakiraaɓe muuɗum nder seho faa yottii to ɓe maayi wakkati muuɗum imo woodi duuɓi sappo.

Raamata no jeydaaɗo Koynuga gooɗom kam jogii-mo.

Roja no moƴƴi e Koynuga, ammaa o nayeejo mo walaa semmbe, woolaa risku.

Wakkati yahde wakkati fuu Koynuga no juurowo saabeere sakiraaɓe muuɗum faa o fillanoo ɓe tampiri makko.

Nyannde gooɗom ko o juurowii ɓe, o heɓi dokkal gooɗom.

Jollooru haayndeeru gooɗom kam wanngi dow saabeere sakiraaɓe makko.

Jollooru ndun yimi jimol belngol gooɗom, pukkinoowol hakkillo.

Koynuga faamitii nder maggol sawto daande inniiɗum maayɗo. Sawtooji ɗin no mbi'a nii:

Koynuga, Koynuga!
An ɓiyiimin mo min njiɗi!
A wonaa an tan, ɓiyam day!
Joga jollooru nduu, ɓiyam day!
Yahdu e mayru to njahta fuu, ɓiyam day!
Accu ndu yeewite ɓiyam day!

Koynuga yahta fuu no jogii jollooru muuɗum hayndeeru.

Nde Koynuga no jogii jollooru muuɗum fuu, imo maata reenaare sakiraaɓe makko.

Nyannde gooɗom, say gacce hewtii jollooru hayndeeru ndun.

Ndu fusi wakkati Koynuga foondinoo weendu faa filowoo ndiyam. Ɓernde Koynuga taƴi kam doo.

Koynuga naati no yima, imo jogii laalaaɗe jollooru ɗen nder njuukoy makko pamaroy:.

Baaba e inna, Ndaaree jollooru ndun fusii. Jollooru ndu kokkarno-ɗom kam. Inna e baaba, noye ngaɗan-mi?

Njurmee kam, lildee kam maande goodom Ko faaminta kam ko no on tawdaa he am wakkati fuu.

Koynuga nani sawto daande inniiɗum wi'i mo: "Ɓiyam day, adu laalaaɗe koddiiɗe ɗen. Adu ɗe pilo-ɗaa ndiyam nden lootaa koyɗe maaɗa. Nde a lootii faa gasii fuu, mummu gite maaɗa."

Koynuga waɗi no yamiraa, say tan, jollooru ndun warti no wontirnoo.

Koynuga fuɗɗiti no yahda e jollooru muuɗum to o yahta fuu.

To o wittorii fuu, himɓe no nyo'a caka muuɗum en. "Nduye woni jollooru nduu?" Jollooru Koynuga hayndeeru nduu wadii o heɓi ko o haajaa fuu.

Jollooru makko hayndeeru nduu faaminii Koynuga ko sakiraaɓe muuɗum no kakkilii e muudum.

Gacce fuu waawaa heɓude-mo.