Ndegooɗom gilla subaka, maama Wisi debbo noddi o, wi'i: "Wisi, aɗa waawa yahranii saarooɓe maaɗa woppaande ndee. Ɓe njiɗaanaa waɗude duppee keƴuɗo sabu dewgal bannda debbo."

Ko no o foonndii to saarooɓe makko, Wisi fotti worɓe ɗiɗo no teɓta ɓiɓɓe leɗɗe. Go'oto maɓɓe teeti woppaande nden e Wisi nden o fiyi nde e lekki. Woppaande nden fusi.

Wisi wi'i: "Ɗume ngaɗu-ɗaa nii? Woppaande ndee wi'anoo waɗirte duppee, duppee dewgal banndan debbo. Ɗume banndan debbo wi'ata nde duppee on waɗaaka wakkati dewgal makko?"

Worɓe ɓen nimsitii ko ɓe toonyii Wisi. Go'oto maɓɓe wi'i: "Min mbaawaa waɗude fay go'otel faro duppee on, ammaa nanii sawru tuugordu kokkaa bannda debbo." Wisi wittii e bittaaki muuɗum.

Dow laawol, o tawi worɓe ɗiɗo no nyiɓa suudu. Go'oto maɓɓe ƴami: "Miɗon mbaawa nawtoraade sawru yamru nduu?" Ammaa sawru ndun yamɗaa ko nyiɓata, tan ndu heli.

Wisi wi'i: "Ɗume ngaɗu-ɗon nii?" "Sawru nduu dokkal banndan debbo non. Teɓtooɓe ɓiɓɓe leɗɗe ɗen kokkiti kam sawru ndun ngam ɓe pusii woppaande nden sabee duppee on. Dewgal banndan debbo duppee on ittanaa. Jooni kay woppaande walaa, duppee walaa, dokkal duu walaa. Ɗume banndan debbo wi'ata?"

Nyiɓooɓe ɓen nimsitii ko keli sawru ndun. Go'oto maɓɓe wi'i: "Min mbaawataa waɗude baa fuy filla sawru ndun, ammaa nanii huɗo, njahranaa bannda debbo." Wisi wittoyi.

Dow laawol, Wisi jom kowgol mardi e nagge. Nagge ngen ƴami: "Huɗo welko koonee, miɗo waawa meeɗi seɗɗa?" Mbela huɗo kon waɗii ko nagge ngen nyaami ko fuu.

Wisi wi'i: "Ɗume ngaɗu-ɗaa nii?" "Huɗo koo dokkal banndan debbo non. Nyiɓooɓe ɓen kokkii kam huɗo, ngam ɓe kelii sawru teɓtooɓe ɓiɓɓe leɗɗe. Teɓtooɓe ɓiɓɓe leɗɗe ɗen kokkii kam sawru ndun ngam pusii woppaande nden sabu duppee banndan debbo. Duppee on dewgal banndan debbo waɗanaa. Jooni kay woppaande walaa, duppee walaa dokkal ngal duu walaa.Ɗume banndan debbo wi'ata?"

Nagge ngen nimsitii ngam hollii guugaaku. Jom kowgol ngol siini nagge ngen ɗowtira Wisi, nge laatoo dokkal banndiiko debbo. Wisi wittii.

Ammaa ko wakkati neemaaki foti, nagge ngen sottii, nge soƴƴii to jom kowgol ngol. Wisi duu majji dow laawol. Fadde makko yottowaade tawi dewgal banndiiko debbo waɗii. Gansitaaɓe ɓen puɗɗii nyaamude.

Wisi wi'i: "Ɗume ngaɗan'mi?" "Nagge nge nyiɓooɓe ɓen kokki kam, laatinoonge dokkal ngal dow huɗo sottake. Nyiɓooɓe ɓen huɗo kokki kam, ngam ɓe kelii sawru teɓtooɓe ɓiɓɓe leɗɗe. Teɓtooɓe ɓiɓɓe leɗɗe ɓen kokkii kam sawru ngam ɓe pusii woppaande nden dow duppee on. Duppee on ittanaakenaa dewgal banndan debbo. Jooni kay, woppaande walaa, duppee walaa, dokkal duu walaa."

Banndu debbo Wisi miijii nder wakkatiyel nden wi'i: "Wisi banndan gorko, dokke ɗen fuu no potu e am. Duppee on hooƴaay hakkillo am, en fuu ɗoo ngondu-ɗen, miɗo weltini. Jooni kay yah wattoyi kaddule maaɗa juulɗe." Wisi waɗi ko o wi'i.