Waɗiinoo wakkati, nder wuro Fulataari niɗɗo gooɗom mbi'eteeɗo Deego jooddakeno e deekiiɗum ɗon, imo wi'ee Haawa. Sukaaɓe joweego'o ɓe ndanyi ɗon; ɓe fuu rewɓe non.

Nde Haawa wonndunoo reedu suka muuɗum joweeɗiɗaɓo, Deego sappanii mo: "Se a danyii suka debbo, no haani majjaa. Ammaa se a danyii suka gorko, mi waɗante juulɗe mawɗe!"

Wakkati danyol suka on ɓattinoo, Haawa yehi to debbo kakkilaniiɗo rewɓe wonnduɓe deeɗi. Reedu gorko naa debbo njogii-mi?

O danyi funeeɓe gorko e debbo-! O innditiri gorko on Aadamou, debbo on Aada. Nde o daarii Aadamu fuu sewo jippotoo dow makko. Ammaa, nde o daarii Aada, o weltintaa say ɓalinaango. O miiji huunde wo'otere hoddii ko waɗetee.

Haawa acci Aada to debbo kakkilaniiɗo sawɓe, o yahri Aadamu to goriiko.

O holli Deego cukalel ngel nder welowelo. Huunde nden weli goriiko faa o noddi himɓe wuro ngon fuu ngara mbeltoo ngam o heɓii gorko.

Aadamu mawni, laatii suka gorko lobbo. Aada duu mawni laatii suka debbo jom ŋari.

Nyannde gooɗom, nde o hilninoo jawdi abbiiko, Aadamu yi'i suka debbo lobbo gooɗom. O wi'i nder ɓernde makko: "Oo woni debbo mo ndewlan-mi."

Ko o ƴami faa o dewla o, debbo on naati no yima: "Min ya, mi wanyaa. Dewgal ngam mi debbo. Debbo wanyataa dewgal ngam no debbo. Ammaa miɗo hula gorko mo mi anndaa to rimaa."

Ɗum ɗon waɗii kaden, yeeƴitii waɗi kaden. Aadamu anndaa fuu ko waɗataa. Ndeen o yehi to inniiko, Haawa. O wi'i: "Mi heɓii suka debbo lobbo, miɗo yiɗi mi dewla mo." Ammaa nde ngaddanmoo-mi filla dewgal ngal fuu, jimol go'otol ngol o yimantaka.

Dow ko o miijaay, Haawa wi'i mo, "ko suka debbo on yimata no ngoonga. Bannda debbo non. On funeeɓe non. Gorko abba maaɗa yiɗunoo, o yiɗaanoo mi danya mo debbo. Saabe majjum waɗi ko ɗalu-mi bannda debbo to debbo kakkilaniiɗo rewɓe sawɓe, ngartirmaa-mi wuro."

Wakkati Aadamu fillantonoo abbiiɗum taariiki on, abba on annditi ko walaa ngoonga. O noddi Haawa ɓe njahidi to debbo kakkilaniiɗo sawɓe ɓen faa ɓe tewta Aada.

Wakkati Aada yottinoo wuro, abbiiko e nayeeɓe wuro ngon kiirsi mbe'a nden ɓe ngaɗi ɗum fijo finaa-tawaa faa ɓe ponna Aada e banndiraaɓe muuɗum worɓe e rewɓe.

Ko waɗoynoo hitaande, ɓii laamiiɗo wuro ngon dewli Aada. O waddani koreeji makko jawdi faa ɗuuɗi e hakkillo fukkiingo.