Hayni calaŋ-calaŋ waate no saaji fimbo ra.

Jirbi yaŋ te kaŋ annoori mana du hari ba kayna.

A ne: "Ay ga ba hari, ba tuuri kopto ra no a ga tolli ga fun."

Ba harandam si no.

A ne: "Da ay mana hari haŋ ay ga bu." Ay ga koy bangu kaŋ sanni i go ga te din do.

Kureeje carmaykom fo ne a se: "Bango ga bisa nda nin."

Amma annooriizo go ga ma jaw gumo a ne: "Ay ga bu da ay mana du hari."

Annooriizo koy ga bango ceeci.

Subu nda tuuri koogey ra.

Kala a ma bango hawo.

Annooriizo na hari haŋ kala a yeesi.

A ma kaani kala a si ga di mannaa kaŋ go ga ka.

Annoori ceeci nga ma subu koga kaŋ do a jine di. Haro bisa nda.

A go ga kaati ga ne: "Wa ay faaba!"

Kolŋay kaŋ gonda nga bundiize mayo ra ne a se: "Di bundiizo waasi."

Wo-din banda, a ne: "Ay si hin ga dira da ay mana kolŋay saabu, ay ga batu hala a ma ka ga hari haŋ."

A go batuyaŋo ga, kala han fo arwasu hinka fo ka bango boŋ, da ngey finga-finga.

Arwasu fa ne: "Kolŋay bambata fo no ga ka ne ga hari haŋ. Iri ga duwa hunkuna."

Annoori ne: "Ay si hin ga naŋ arwasey wo ma kolŋay wi. Amma ay ga kayna gumo, ifo no ay ga hin ga te?"

Alwaato din, kolŋay do bango ga.

Dabari fo ka annoori se.

A furo arwaso cey game ra, ga nga hari nama.

Arwasu fitaw, a kuuwa ga ne: "Wayyo, ay ca!"

Kolŋay lakkalo tun, a na nga deesiyaŋ te.

Mate kaŋ annoori te ga kolŋay faaba no-ya.