Ramatu nda nga hayrayey go ga baafunay hanno te kala i ka ga bu, a gonda jiiri way.

Salmu kaŋ ga ti a ɲaakafoosina na a ta nda kambe hinka. Salmu ga Ramatu cabe borotaray kulu dumi, amma zeenay, farga nda talkataray kulu go a ga.

Ramatu ga hatta ga koy nga hayrayey saarayey boŋ, ga hẽ.

Han fo a du gomni fo saarayey boŋ. Zollo fo kaŋ ga maamancandi no bangay a se hayrayey saarayey boŋ.

Dooni kaano fo no zolla ga te kaŋ ga bine yeenandi. Ramatu faham kaŋ nga ɲa jinda no. Sanney kaŋ a ga ci ne-ya:.

Ramatu! Ramatu! Iri bine baaka! Manti ni hinne no, ay izo! Zolla wo gaayi, ay izo! A ma bara ni se nangu kulu kaŋ ni go! A ga ni mundey tuusu, ay izo!

Nangu kaŋ ramatu go kulu a zolla maamancanta go a bande. Zolla kaŋ hayrayey na a no ga a hallasi.

Han fo, saaru fo du zolla. Hari ceeciyaŋ boŋ no zolla kaŋ ga bagu. Ramatu bina mo sara gumo.

Zolla camsey go Kayanga se kamba ra, a go ga doonu ga ne:.

Ay ɲa nda ay baaba, Wa guna ga di zolla bagu. Zolla kaŋ araŋ na ay no bagu. Ifo no ay hima ga te, ay ɲa nda ay baaba? Wa bakar ay se, ga cabe ay se kaŋ araŋ mana fun ay sanni ra.

Ramatu ma ɲaŋo jinda kaŋ ne a se: "Ay izo, camsey kumna. I sambu ga koy ga hari ka, ga ni cey ɲum. Da ni ban, ni ma ni moyey daabu" Kayanga te hari kaŋ i ne, sahã din zolla kaŋ bagu ye ga taji.

Ramatu go nda nga zolla nangu kulu kaŋ a ga koy. Nangu kulu kaŋ a gana, no borey ga ciinay ga ne care se: "Ifo zollo no a se wo?" A zollo maamacanta fondo ra, a muraadey kulu no ga feeri.

A zollaa fondo ra, a faham kaŋ nga harey go ga haggoy nda nga. Taali kulu no si hin ga duwa.