Arai apaaranit nakariran ng'irwa lu akamu anamoni anakoonon.

Ang'opikinito Imukunyo ng'akipi ngirwa lukaalak.

"Asaki ayong ekabelit a ang'akipi, tani kechakun anakuyen."

Nabo dae akutasi tani ng'akop.

"Pekamat ayong ng'akipi atoani," kubaloo Imukunyo. "Alosi ayong nag'olol na apupi."

"Kileleyari iyong ang'olol," kikany Ekunyuku lokooson ng'osi.

Anyarinut Imukunyo akure lokojokon noi. "Atoani ayong pekarmat ng'adio kipi."

Torotok Imukunyo asakar ang'olol.

Toped ng'inyaa lukoonok ka kidiama ng'akuii nakoonok.

Tani ni eiraria ng'itoroi ang'olol ekulaate.

Totuk Imukunyo ng'akipi nakalimok nikooyen.

Alakara ng'esi kotere amam etoro loapolon abunit.

Kitetemiki Imukunyo akikod ng'inyia lu elebolebosi anakipi. Kaneni apotu ng'akipi toleleyasi ng'esi.

"Keng'araki idio toan. King'arakinae kare."

"Todoka atipei," Tolimok Akuuri nakwaan ng'esi ekodit ateni anakituk.

"Nyarotokini mati kabuak Akuuri alakari. Edaruni ayong ng'esi ebong'uni akimat ng'akipi."

Apei kwaar idarounit, apot ng'ide lusapa ng'iarei potu nang'olol ng'apandilio.

"Eyei Akuuri nakwaan na ebunene neke akimata ng'akipi," tolimu idia ipei. "Kiari ng'oni ng'esi atanyama ebong."

"Nyemiekini ayong ng'ide luku taara Akuuri nakwaan. Nabo adit ayong, ngo asubakini ayong."

Napei kona topor Akuuri nakwaan kwap ekitoe akimat ng'akipi.

Ayakar Imukunyo atamet.

Toporok edia epei nakeju dio tokony ng'esi lokojokon.

Topor edia. "Oi takoi!" towanik.

Tobul Akuuri toporo niajokon.

Kong'ina ng'esi abuakinia Imukunyo Akuuri ajokis kotere aiun ng'esi.