Igi lya Mwandu
Nambi Sseppuuya Community Resource Centre
Wiehan de Jager
Lusoga

Agho olwatuuka, nga ebaayo omukazi omukaire eyayendanga einho mwidhukulu we. Yaamugha eigi nga ekilabo.

Yaamukoba ati, "Okuva mu igi lino mwolifuna omwandu nga otuuse okubayiza."

Omulenzi yaligema yagya mu bibye.

1

Okusooka yayagaanana na bakubi ba mbafu. Baamusaba eigi. Yalibagha.

Baalikubisa embafu. Lyayatika.

2

Omulenzi yalira ati, "Ei! Ei! Ei! Munkolereire!

Eigi ti lyali lyange. Lyali lya dhaadha wange. Ate dhaadha ti yampa busa, yampa kufunamu mwandu."

3

Batyo abe mbafu baamuwaamu oluti olukuba embafu. 

Era omulenzi yatambula yagya.

4

Okwiraku omulenzi yayagaanana na abazimbi. Baamusaba oluti lwe.

Baalukozesa okuzimba nhumba. Lwamenhekamu ebitundu bibiri.

5

Omulenzi yalira ati, "Hee! Hee! Hee! Munkolereire! Oluti ti lwali lwange. Lwali lwa bakubi ba mbafu. Atenga ti bampa busa, bampa mu igi lyange.

Eigi ti lyali lyange. Lyali lya dhaadha wange. Ate dhaadha ti yampa busa, yampa kufunamu mwandu."

6

Batyo abazimbi baamuwaamu ekinwa ekye isubi lyo okusereka nhumba.

Era omulenzi yatambula yeyongerayo.

7

Okwiraku omulenzi yaayagaanana na mwayi wa nte. Yasaba omulenzi ono amughe ekinwa ekye isubi.

Omwayi owe ente yaligha ente ye. Era ete yalya eisubi lyonalyona yalimalawo.

8

Omulenzi yalira ati, "Eee! Eee!Eee! Onkolereire! Eisubi ti lyali lyange. Lyali lya bazimbi. Abazimbi ti bampa busa, bamenha oluti lwange. Oluti ti lwali lwange. Lwali lwa bakubi ba mbafu.

Ate ti bampa busa, bampa mu igi lyange. Eigi ti lyali lyange, lyali lya dhaadha wange. Ate dhaadha ti yampa busa. Yampa kufunamu mwandu."

9

Atyo omwaayi yagha omulenzi ente ye.

Era omulenzi yatambula yeyongerayo.

10

Yali ataayo, omulenzi yayagaanana na abo omukolo ogwo obugole. Abamaka agomugole omukazi baamusaba ente ye.

Yagibagha. Era baagibaaga baagilya yonayoona.

11

Omulenzi yalira ati, "Ei! Ei! Munkolereire! Ente ti yali yange, yali ya mwayi. Omwayi yampa mu kinwa kya isubi lyange. Esubi ti lyali lyange, lyali lya bazimbi. Abazimbi ti bampa busa, baamenha mu luti lwange.

Oluti ti lwali lwange, lwali lwa bakubi ba mbafu. Atenga ti bampa busa, bampa mu igi lyange. Eigi ti lyali lyange. Ate dhaadha ti yampa busa, yampa kufunamu mwandu."

12

Aghoni abomumaka ago omugole omukazi baakoba bati, "Tuzira kyetusigaiza kukusasula. Aye katukughe bwa mugole ono omutwaale."

Era lutyo, olugero olukoba luti, "Okalya ira kaira ira." Lwatuukirira.

13
You are free to download, copy, translate or adapt this story and use the illustrations as long as you attribute in the following way:
Igi lya Mwandu
Author - Nambi Sseppuuya Community Resource Centre
Illustration - Wiehan de Jager
Language - Lusoga
Level - Longer paragraphs
© Text: Ugandan Community Libraries Association; Illustration: African Storybook Initiative 2014
Creative Commons: Attribution 4.0
Source www.africanstorybook.org
Original source www.ugcla.org