Khale muno mushikwenyi shie Elunyiko, yalikho omusatsa walangwa Ndong'a, nende omukhasi we walangwa Namukhaywa. Lano, Namukhaywa shiyebulakho omwana weshisiani ta, abula abakhana basasaba.

Omwami Ndong'a yamusioma mbu, "Lero luno niwibula omwana omukhana, ndalamwira." "Ne niwibula omwana omusiani, ndalakhukasiria lisabo likhongo po!"

Inyangaye yokhwibula yola. Namukhaywa yatsia wo omwibusia.

Namukhaywa yebula amakhwana; omusiani mbu Mukhwana, omukhana mbu Mulongo. Yaberera okhulola Mulongo ne nasangalira Mukhwana.

Namukhaywa yaleshera omwibusia Mulongo, ne nakalukha ingowe nende Mukhwana.

Ngala Namukhaywa yola ingowe, omusatsawe, Ndong'a, yasangala okhulola omwana omusiani.

Mukhwana yachoa neyaba omusiani omulai po. Ne Mulongo naye yachoa neyaba omukhana omalayi po.

Nyanga indi Mukhwana nali omukhongo, yatsia okhwaya tsing'ombe. Ne nalolayo omukhana welikondo lilayi. Namuserera mbu amuteshie.

Mulongo yembera Mukhwana olwimbo luno: Mukhwana x2 Mukhwana wefwe, Mukhwana. So yakhupa omunwa, Mukhwana Nebebula omukhana, Mukhwana. Barulaka khulwanda, Mukhwana. Nebebula omusiani, Mukhwana Barera mungo muno, Mukhwana. Iyeyi yakwa, Mukhwana. Iyindi yakwa, Mukhwana.

Mukhwana yatema abole ne, Mulongo yamwimbiranga sa olwimbo olo. Mukhwana yetsa nabolera mama we Namukhaywa, akayali nabukanane nako.

Eliokhuuchisia, mama we yamuboolera, "Oyo ne omwana wenywe. Mwebulwa naye likhwana."

Mukhwana yabolera samwana akali kekholeshe kosi. Ndong'a yamala arebe Namukhaywa, ne Namukhaywa niyeyama. Bakasia nebatsia nebenda Mulongo niyetsa mungo.

Lo Mulongo yola ingo, samwanawe ne bandu bosi bera imbusi, nebang'ona Mulongo nende abaana bao.

Olunyuma Mulongo yateshibwa nende omwana wo omwami weshialo esho. Neyarerera litala liabo emiandu eminji nende uluyali.