Neo le Mpho ke mafahla. Papago bona o ba roma motseng wa kgauswi go isha phasela.

'Neo, Mpho, tseang morwalo wo le o ishe go mogwera waka Kgabo. O le emetse", go realo papa. Neo le Mpho ba tsea morwalo ba sepela.

"Bona tshwene yela e tla go rena", go bolela Mpho a tshogile. "Aowa Mpho, a re sepele, e ka se re dire selo", go realo Neo.

Jooo! Tshwene yela e phamola morwalo wa mafahla gomme e a tshaba. "Ke go boditse Neo", go realo Mpho a tshogile kudu.

Tshwene e utswa morwalo wa mafahla gomme e thoma go o bula.

Neo le Mpho ba thoma go lla. Le bona ga ba tsebe seo se lego ka gare ga morwalo woo. "Papa o tlo re omanya", go bolela Neo a le gare a nagana ka thupa yeo papa bona a tlo ba bethago ka yona.

Tshwene yela erile e sa bula morwalo wola, ka gare gwa tswa mpsha. "Yoooo", gwa lla tshwene ya lehodu. Mahlale a fedile, mpsha yela e thoma go kitimisha tshwene yela ya lehodu. Neo le Mpho ba sega tshwene.

Tshwene e tla lahla ho utswa merwali ya batho. Bona e thoma go kitima ka lebelo.