ከለታት አንድ ቀን አንዲት ሴት አረገዘች። ባልየውም፣ “ልጃችን ሴት ከሆነች እንጀራ ትጋግራለች፤ ወንድ ከሆነ ቤት ይጠብቃል፣ እርሻም ያርሳል” አላት። ብዙም ሳይቆይ ልጃቸው ወንድ ሆኖ ተወለደ። አንድ ቀን ወላጆቹ ወደ ሥራ ሲሄዱ “ቤት ጠብቅ” ብለው ተዉት። ሲመለሱ ግን ቤታቸው ተዘርፎ አገኙት።

ከዚያም ልጃቸውን ወደ እርሻ ይዘውት ሄደው፣ “እርሻውን እረስ” ብለው ከበሬው ጭራ ጋር አሰሩት። በሬው መሮጥ ሲጀምር ልጁንም አብሮ ጎተተው። ወላጆቹም ሲመለሱ ልጃቸውን አጡት። እየፈለጉ ሲሄዱ በደም ተጨማልቆ አገኙትና በጣም ደነገጡ።

ከዚያም ሁለቱ ወደ ወንዝ ለመሻገር ሞከሩ። ሚስትየዋ ግን በውሃው ውስጥ ተሰናክላ መስመጥ ጀመረች። ባልየው እሷን ለማዳን ከመሞከር ይልቅ ድንጋይ መወርወር ጀመረ። ሚስቱም የበለጠ ተቸገረች። ባልየውም እሷ የምትጠጣ መስሎት፣ “እኔም ልጠጣ!” ብሎ ወደ ወንዙ ገባ።

ከዚህ ተረት የምንማረው፣ ሳናስብ በችኮላ የምንወስነው ውሳኔ ችግር ሊያመጣ ስለሚችል፣ ማንኛውንም ነገር በጥንቃቄ፣ በማሰብና በእውቀት ማድረግ እንዳለብን ነው።