Ke nna mina tshipi ya pula tau ya phaga ke nna Setlalebarwa wa Makhokho, wa Nchancha Modimabarwa, wa Moletelo, wa Panyane, wa Lekoba, wa Seganyane, wa Segodi, wa Malekane, wa Mokibane, wa Rapulana Morale Chiloane.

Bana ba tshipi e tshehla,
Tshipi e sa jeng mabele,
E jago rupa la monna!
Re tšwa go Morolong,
Re tšwa go Morara le Moratwa,
Batho ba go nwa madi a tshipi,
Ba go aga ka yona, ba go lwa ka yona.

Tshipi ga e ronege,
Ga e na letšhogo,
E kgaola noga le tlou,
Ke maatla a diatla tša rena.
Re bana ba sefala se se sa pšhwego,
Sa go šireletsa motse le kgoro.
Ke rena Babina Tshipi!
Ke rena Batau!

Batau ba Phageng ya Malala-a-moenyane,
Batho ba ba tšwago Phageng le Shakwaneng.

Ke rena dibata tša thaba,
Tau e tšwa sekgweng e rora,
E rora e bapetše ka mala,
E re: "Ke nna mong-wa-thaba le noka!"
Re tšwa go Morale wa Chiloane,
Bana ba thari ya kgomo,
Moo motho a phalang kgomo,
Gobane kgomo re a ja, motho re a tshela.

Re ba mo-bolaya-ka-lenala,
Ga re lwe ka lerumo fela, re lwa ka bohlale.
Ke rena Batau ba bogosi,
Ba go nwa meetse a Lepunama,
Ba go dula merakong ya Moholoholo.

Ke rena Batau!
Ke yena Modimabarwa a Chiloane!
Sebata se se tšwago Borwa go tlo thopša ke Bakone,
O tšwa thoko ya noka ya Lepunama,
Moo tau e rorago gona ya tšhabisa ditlou.
Modimabarwa, Morwa wa Moletelo,
Sefala se se sa pšhwego sa Batau.

O tšwa go Seganyane, o tšwa go Lekoba,
Wena yo o bego o sa tšhabe noga le ge e rora,
Gobane o tshotše maatla a thari ya kgomo.
O re: "Nna ke Modimabarwa, ke tlišitše khutšo,"
O kgotleletše go fihla o tswala Makhokho Cobra .

Wena o tsebago go dula merakong ya Moholoholo kgorong ya Mapulana,
Mo-bolaya-ka-lenala, Tau ya bophara!
Ke wena o re gopotšago gore:
"Kgomo re a ja, motho re a tshela,"
Gobane setho ke sona lehumo la nnete.
Modimabarwa! Chiloane! Tau! Tship