Wumbee mini o ba daa bela puuni. Nyuli ka o ba daa chɛhira.

Wumbee n-daa nyɛ ŋun laɣindi ŋa.

Kum daa wum Wumbee. Dama o bi ŋubiri nyushɛra.

Wumbee daa yɛli o ba, "M ba, kum m-mali ma. N yɛn kulimi nti di bindirigu ka labina."

Wumbee ba ŋun garigi yɛli o, "N yaba, pahimi suɣulo ka di tooi biɛla. Mɔɣu ŋɔ ni biɛ pam di zuɣu a ku tooi kuli a ko."

Wumbee daa bi wum ti o ba ka kuli bɔrila yiŋa kundi. O daa lu palli ni o kuli nti di bindirigu.

Palli ŋɔ ka o daa kuli paya ka vuliŋga nyɛ yeiyei. Noonsi daa kuli kuhirila mɔɣu maa ni.

Wumbee tɛhiya, "Dabiɛm bi mali ma." Vuliŋga ŋɔ ka Wumbee daa kuli daari ka chana.

O ti yɛn nyala yim bɔ m-bala? Zuɣugbullilana!

Wumbee daa kuhimi ka va nti kpuɣi dagbulli gbubi.

Zuɣugbullilana daa kuli ŋumdimi ka mirigiri nina.

O nyinyɛhi kuli wɔɣawɔɣami ka nina mɔhi chɔin

Wumbee daa bami zani ni o dagbulli. Di zaa yoli, Zuɣugbullilana daa bi che o.

Dabiɛm daa kpe Wumbee ka o lɛbigi vaai guui.

O daa kuli zɔrimi ka kuhira ka Zuɣugbullilana doli.

Di daa wum n-gbarigi Wumbee zaa ka o bi mi o ni niŋdi o maŋa shɛm.

Zuɣugbullilana daa yiɣimi ni o ti bibigi Wumbee ka o kuhi ka va n-yiɣisi ka di nyɛla zahinli m-bala.