Liŵasa lya Ce Mdala lyasoŵaga yakulya yakwanila. Yaliji myoyo ligongo mcimbo walile yimanga yosope ya mumgunda mwa liŵasali.

"Ŵanacemwe, ana caka acino tutende uli kuti tumalane ni mcimbowu?" Ŵatite myo Ce Mdala. "Ngwete lunda lwine lwakwe" Jwatite myo mnyamata jumo.

Pambesi pakwe, ŵakamulene kuti awuloŵesye mcimbowo. Kundaŵi kwakwe, ŵanace ŵala wajawisye yakulya kwa mcimbo.

"Amcimbo, tumjigalile yakulya." Jwatite myo mnyamata jumo. Mcimbo wanemele ni kupocela yakulyayo.

Mcimbo walile yakulyayo.
Pawamasile kulya, anyamatawo ŵawujile kumusi.

Sambano lyayiche lisiku lyakuwupa cilango mcimbo ula.
"Lelo mjawusye yakulya yine." Ŵatite myo Ce Mdala.

Anyamata ŵala ŵanyakusyene yakulya ila kwawula nayo kwa mcimbo.
Mcimbo ula waŵinile mwakunemela uli ŵaweni anyamatawo.

Mcimbowo wapocele yakulyayo aku uli mkutogolela.
Nganiwumanyililaga yayaliji mkati.

Pawawunukwile, mcimbowo wasisimwice pakujiwona mbwa m'malo mwa yakulya. Mbwajo jawulumile mcimbowo.