Kgaolo ya pele: Bophelo bja modikoni.

Morena Nthekeleni le Mohumagadi Mmaphai ba be ba agilwe motse wa bona lefelong la Modikoni, kantle ga toropo ya Modjadji Skloof.

Motse wa bona o be o tletše khutšo le le thabo, gomme batho ba bantši ba be ba dula ba etela ka lebaka la botho bja bona le bokgoni bja bona ka temo. Ba be ba tsebega kudu setšhabeng bjalo ka batho ba hlomphago badimo, ba šomago ka maatla.

Ka lapeng la bona go be go na le morwedi o tee, yo a bitšwago Mmasekgala. E be e le ngwana wa bohlale kudu, yo a ratwago ke batswadi le setšhaba ka moka. Tatagwe o be e le ngaka ya setšo, yo a tsebegago ka taola le mešomo ya go alafa batho.

Mmasekgala o be a gola a le mo tikologong yeo e tletšego dithuto tša setšo, a ithuta ka mekgwa ya badimo le ka bophelo bja temo.

Ge a fihla mengwaga ya lesome tshela, Mmasekgala o ile a tsena sekolo sa Refilwe toropong ya modjadjiskloof.

Ka phapošing, o ile a bontšha bokgoni bja gagwe ka go ngwala le go bala, gomme barutiši ba ile ba mo kgantšha ka lebaka la bohlale bja gagwe. Barutwana ba bangwe ba be ba mo hlompha, ba mmona bjalo ka moeta-pele wa mphato wa bona.

Ka ntle ga sekolo, Mmasekgala o be a rata go dula a le mo tikologong ya tlhago, a theeletša phefo ya makgoba skloof, a lebelela maru a leratadima. O be a na le pelo ya go nagana ka bokamoso, a dula a ipotšiša ka bokamoso bja gagwe .

Batswadi ba gagwe ba be ba dula ba mo kgothatša gore a šome ka maatla, a latele melao ya sekolo, gomme a tšwele pele ka toro ya gagwe ya go ba molaodi wa di hwebo ka Yunivesithi ya Limpopo.

Kgaolo ya Bobedi: Bokgoni bja Mmasekgala Sekolong.

Mmasekgala ge a tsena mphato wa marematlou sekolong sa Refilwe, bophelo bja gagwe boile bja thoma go fetoga ka tsela e mpsha.

Go tloga ka letšatši la pele, Mmasekgala o ile a bontšha bokgoni bja gagwe ka go ngwala, go bala, le go kwešiša dithuto ka lebelo le lebotse.

Ka phapošing, Mmasekgala o be a dula a itokišeditše dithuto. O be a rata go bala dipuku tša setšo

Thlogo ya sekolo, Mothlomphegi Phatudi, o ile a lemoga bokgoni bja Mmasekgala. O ile a mo kgothatša gore a tšwele pele ka maiteko a gagwe, a mo fa menyetla ya go tšea karolo diphadišanong tša sekolo le tša tikologo.

Mmasekgala o ile a bontšha gore thuto ga se fela ka phapošing, eupša e ka šomišwa bophelong bja nnete.
Ka ntle ga sekolo, Mmasekgala o be a dula a le mo tikologong ya tlhago,a theeletša phefo ya makgoba skloof, a lebelela maru a leratadima.

O be a na le pelo ya go nagana ka bokamoso, a dula a ipotšiša ka bokamoso bja gagwe le ka toro ya gagwe ya go tšwela pele ka thuto.
Batswadi ba gagwe ba be ba dula ba mo kgothatša gore a šome ka maatla, a latele melao ya sekolo.

Kgaolo ya Boraro: Phadišano ya Sekolo.

Ka morago ga go bontšha bokgoni bja gagwe ka phapošing, Mmasekgala o ile a kgethwa go emela sekolo sa Refilwe phadišanong ya go bala le go ngwala ka Seisemane.

sekolo se sengwe le se sengwe se be se romela barutwana ba babedi. Mmasekgala o ile a ya le Elias, lesogana la mphato wa gagwe, yo a bego a tsebega ka go rata go bala le go ngwala.

Letšatši la phadišano le ile la fihla, barutwana ka moka ba ile ba dula ka phapošing yeo e bego e loketšwe phadišano. Baathlodi ba ile ba laela gore yo mongwe le yo mongwe a tšee karolo ka tatelano.

nako ya Mmasekgala erile o fihla, o ile a ema ka boikokobetšo, a bala ka lentšu le le hlwekilego, a ngwala ka bokgoni bjo bo hlollago. Lentšu la gagwe le be le na le maatla, gomme ditaba tše a di ngwadilego di ile tša ama baathlodi.

Baathlodi ba ile ba makatšwa ke bokgoni bja gagwe. Ka morago ga go lekodiša dinthla, ba ile ba phatlalatša gore Mmasekgala ke yena yo a feditšego a thopa ntlha ya pele. Sekolo sa gagwe se ile sa keteka katlego ye ka moletlo o mogolo.

thlogo ya sekolo, Mothlomphegi Phatudi, oile a mofa di mpho bjalo ka seka sa thuto.moletlo wa sekolo obe o tletši ka mmino, dikhwaere tša sekolo, le mantšu a kgothatšo.

Batswadi ba gagwe ba ile ba bitšwa sekolong, ba leboga thlogo ya sekolo le barutiši ka go hlokomela morwedi wa bona ka lerato le ka boikarabelo.

Ka tsela ye, Mmasekgala o ile a fetoga seka sa katlego sekolong sa Refilwe.

Kgaolo ya Bone: Lerato la Baswa.

Ka morago ga katlego ya gagwe phadišanong, Mmasekgala o ile a thoma go bonwa ka mahlo a masogana a mantši sekolong. Go be go na le lesogana le le bitšwago Raesibe, yo a bego a tsena mphato wa marematlou.

Raesibe o ile a bontšha lerato le legolo go Mmasekgala, bobedi ba bona ba ile ba tsenela taba ya lerato.Lerato la bona le ile la thoma ka go ba bonolo, ka go ngwalelana mangwalo le go bulelana diphiri.

Ka letšatši le lengwe, Raesibe o ile a fa Mmasekgala mpho e nyenyane ya sefaha, gomme seo sa bontšha gore lerato la bona le šetše le tuka bjalo ka mollo.

Le ge lerato le be le ba thabiša, le ile la thoma go ba le ditlamorago sekolong.

Mmasekgala o ile a thoma go se šome ka maatla ka dithuto tša gagwe, a palelwa ke go phetha mešomo ka nako. Barutiši ba ile ba lemoga gore o šetše a fetoga, gomme ba mo kgothatša gore a gopole toro ya gagwe ya go ba molaodi wa di hwebo.

Batswadi ba gagwe le bona ba ile ba lemoga diphetogo. Morena Nthekeleni le Mohumagadi Mmaphai ba ile ba mo kgala ka lerato, ba mo gopotša gore lerato le ka ema, eupša thuto ke senotlolo sa bokamoso.

Mmasekgala o ile a thoma go phela bophelo bjo bobedi: ka lehlakore le lengwe e le ngwana wa sekolo yo a tletšego ditoro, ka lehlakore le lengwe e le kgarebe ya lerato la baswa.

Kgaolo ya Bohlano: Mathata le Diphetho.

Ka morago ga go tsenela lerato le Raesibe, bophelo bja Mmasekgala bo ile bja thoma go fetoga ka tsela ye e sa letelwago. Lerato la bona le be le thabiša, le tletše ditoro le maikemišetšo.

Mmasekgala lerato leile la mo goga kgole le thuto. Mešomo ya sekolo e be e sa phethwe ka nako, gomme diphetho tša gagwe di ile tša thoma go fokotšega.
Barutiši ba gagwe ba ile ba mo lemoga.

Barutiši Ba ile ba mo gopotša gore lerato le ka ema, eupša thuto ke senotlolo sa bokamoso. Le batswadi ba gagwe ba ile ba mo kgala ka lerato, ba mo bontšha gore bophelo bo hloka boikarabelo le mafolofolo.

Raesibe yena o ile a tšwela pele ka thuto ya gagwe . O ile a tšea dithuto ka bohlale, gomme mafelelong a ngwaga o ile a hwetša dipoelo tše di botse. Mmasekgala o ile a palelwa ke go feta mphato wa Marematlou.

Ka morago ga mengwaga e mekae, Mmasekgala o ile a hwetša bana ba babedi. Bophelo bja gagwe bo ile bja fetoga ka potlako, gomme o ile a swanelwa ke go hlokomela bana ba gagwe ka maatla. Lerato la Raesibe le Mmasekgala le ile la fela.

Raesibe oile a tšwela pele le dithuto tša gagwe kua Yunivesithi ya Venda.

Mmasekgala o ile a lemoga gore diphetho tša gagwe di na le ditlamorago tše dikgolo bophelong. O ile a gopola mantšu a batswadi le barutiši ba gagwe.

Le ge bophelo bja gagwe bo be bo le thata, o ile a ikemišetša go hlokomela bana ba gagwe ka lerato le maatla, a ithuta ka tsela ye bohloko gore diphetho tša motho di ka fetola bokamoso bja gagwe ka botlalo.

Kgaolo ya Botshelela: Go Ithuta ka Diphetho.

Ka morago ga mathata a lerato le go palelwa ke dithuto, Mmasekgala o ile a thoma go bona bophelo ka mahlo a maswa. Le ge a be a palelwa ke go tšwela pele ka thuto ya gagwe.

Ka letšatši le lengwe, o ile a dula ka pela ga ntlo ya batswadi ba gagwe, a gopola mantšu a barutiši le batswadi ba gagwe. O ile a lemoga gore ge a be a kwa keletso ya bona, bokamoso bja gagwe bo ka be bo fapane.

Mmasekgala o ile a thoma go šoma ka maatla ka gae, a ithuta bokgoni bja go lema le go hlokomela tikologo. O ile a bona gore le ge thuto e le senotlolo sa bokamoso, bophelo bo ka hlolwa gape ka mafolofolo le boikarabelo.

Mmasekgala o ile a thoma go ruta bana ba bangwe ka gae ka dithuto tša motheo, a ba hlalosetša gore thuto e ka bulela motho menyetla ya go hlola mathata a bophelo. Ka tsela ye, Mmasekgala o ile a fetoga seka sa go ithuta ka diphetho.

Kgaolo ya Šupago: Dikanegelo tša Setšo.

Ka morago ga mathata a gagwe, Mmasekgala o ile a thoma go dula le bagolo ba motse wa Modikoni. Bagolo ba be ba dula ba mmotša dikanegelo tša setšo.

baile ba mo ruta ka mekgwa ya Bolobedu le dithuto tša bophelo.

Ka letšatši le lengwe, mogolo wa gagwe o ile a mmotša kanegelo ya Noko le Phukubje, kanegelo yeo e bontšhago bohlokwa bja bohlale le go se itlhakanele ka ditaba.

Mmasekgala o ile a kwa ka hloko, a lemoga gore bophelo bja gagwe bo swanetše go ithuta go tšwa diphihlelong tša bagolo.Bagolo ba bangwe ba ile ba mo ruta ka mekgwa ya setšo ya go hlompha badimo, go hlokomela tikologo, le go šoma ka maatla.

Mmasekgala o ile a bona gore dithuto tše di ka mo thuša go aga bokamoso bjo bobotse, le ge a paletšwi ke dithuto tša sekolo.Ka tsela ye, Mmasekgala o ile a kopanya dithuto tša sekolo le dithuto tša setšo.

Kgaolo ya bo Seswai: Mathata a Tikologo.

Ka morago ga go ithuta ka dithuto tša bagolo le mekgwa ya setšo, Mmasekgala o ile a thoma go bona mathata a tikologo ka mahlo a gagwe. Motse wa Modikoni o be o tletše ka dithaba le mehlare.

ka lebaka la go hloka tlhokomelo, tikologo e ile ya thoma go senyega.

Batho ba bantši ba be ba kgaola mehlare ka ntle le go lema gape, gomme seo sa dira gore mobu o ome, meetse a fokotšega, le diphoofolo tša naga di thome go nyamela.

Mmasekgala o ile a bona gore bophelo bja setšhaba sa gagwe bo ka senyega ge ba sa hlokomela tikologo.Ka letšatši le lengwe, sekolo sa Refilwe se ile sa hloma letšatši la go hlokomela tikologo. Barutwana ba ile ba kgobokanya ditšhošwane.

ba ile ba lema mehlare, gomme ba ruta setšhaba ka bohlokwa bja go hlokomela mobu le meetse. Mmasekgala o ile a tšea karolo ka mafolofolo, a bontšha gore le ge a palelwa ke dithuto tša gagwe ka nako e fetilego, o ka thuša ka go aga bokamoso.

Bagolo ba motse ba ile ba thabela maiteko a bana, ba ba kgothatša gore ba tšwele pele ka go hlokomela tikologo. Mmasekgala o ile a lemoga gore tikologo ke karolo ya bophelo bja motho,ge eka Senyega le bophelo beka sinyega.

Kgaolo ya senyane: Toro ya Mmasekgala.

Ka morago ga go bona mathata a tikologo le go ithuta dithuto tša bagolo, Mmasekgala o ile a thoma go bona toro ya gagwe gape. Le ge a be a palelwa ke dithuto ka sekolong.

Ka letšatši le lengwe, o ile a dula ka pela ga motse, a lebelela bana ba bangwe ba bapala ka lešokeng. O ile a gopola ka ditoro tša gagwe tša go ba molaodi wa di hwebo, a bona gore le ge bophelo bja gagwe bo ile bja mo goga ka tsela e thata

O ile a ikemišetša gore ka mafolofolo le boikarabelo, o tla aga bokamoso bjo bobotse.Mmasekgala o ile a thoma go ngwala dikanegelo ka bophelo bja gagwe, a hlalosa mathata le dithuto tše a di hwetšago.

Dikanegelo tšeo di ile tša thoma go phatlalatšwa ka makasine ya setšhaba, gomme batho ba bantši ba ile ba thabišwa ke bokgoni bja gagwe. Ka tsela ye, toro ya gagwe ya go ba mongwadi e ile ya thoma go bonagala.

Mmasekgala o ile a thoma go aga bokamoso bjo bo tletšego katlego, a kopanya dithuto tša bophelo, setšo, le toro ya gagwe ya go ba mosadi yo a hlomphwago le yo a tsebegago ka bokgoni.

Kgaolo ya Lesome: Katlego ya Mmasekgala.

Ka morago ga mengwaga ya mathata le dithuto tša bophelo, Mmasekgala o ile a thoma go bona diphetogo tše dikgolo. Dikanegelo tšeo a bego a di ngwala ka bophelo bja gagwe di ile tša thoma go phatlala.

batho ba bantši ba ile ba thabišwa ke bokgoni bja gagwe. Ka pela, leina la gagwe le ile la thoma go tsebega ka ntle ga motse wa Modikoni.Ka moletlo wa setšhaba, Mmasekgala o ile a bitšwa go bala kanegelo ya gagwe pele ga bagolo le bana.

Lentšu la gagwe le be le tletše maatla, le bontšha bohlale le mafolofolo. Batho ba ile ba mo hlompha, ba mmona bjalo ka mosadi yo a fetogilego seka sa katlego le boikarabelo.Batswadi ba gagwe ba ile ba thaba kudu.

Mmasekgala o ile a tšwela pele ka go ngwala, a aga puku ya gagwe ya mathata le dithuto tša bophelo. Puku yeo e ile ya phatlalatšwa ka morago ga mengwaga ese ye mekae, gomme ya fetoga seka sa go ruta bana le baswa ka bohlokwa bja thuto.

Toro ya gagwe ya go ba mosadi yo a hlomphwago e ile ya phethagala, gomme leina la gagwe la dula le gopolwa ka setšhaba sa Bolobedu bjalo ka seka sa bohlale, mafolofolo, le katlego.

Kgaolo ya Lesome tee: Maikarabelo a Bophelo.

Ka morago ga katlego ya gagwe ya go ngwala le go phatlalatša dikanegelo, Mmasekgala o ile a thoma go bona bophelo ka tsela e nnoši. Le ge leina la gagwe le be le šetše le tsebega.

Bophelo bja gagwe bjale bo be bo tletše maikarabelo. Ka mesong o be a tsoga ka pela, a lokiša dijo, a hlokomela bana, gomme ka morago ga moo a šoma ka tšhelete ye nnyane yeo a bego a e hwetša ka go ngwala le go ruta bana ba motse.

Ka mafolofolo le boikarabelo, Mmasekgala o ile a bontšha gore mosadi a ka aga bokamoso bjo bobotse le ge a le mathateng.

Ka letšatši le lengwe, o ile a bitšwa sekolong sa Refilwe go bolela le barutwana ka bophelo bja gagwe. O ile a ba hlalosetša gore diphetho tša motho di ka fetola bokamoso bja gagwe, eupša ka mafolofolo le boikarabelo.

Barutwana ba ile ba mo kwa ka hloko, ba thabišwa ke maatla a gagwe le bohlale bja bophelo.Ka tsela ye, Mmasekgala o ile a fetoga seka sa maikarabelo le boikarabelo.

Kgaolo ya Lesome pedii: Go Aga Bokamoso.

Ka morago ga go ithuta ka maikarabelo le go hlokomela bana ba gagwe, Mmasekgala o ile a thoma go aga bokamoso bjo bobotse ka mafolofolo. O be a sa nyake go dula a gopola diphoso tša gagwe tša kgale.

Ka letšatši le lengwe, o ile a kopana le barutwana ba sekolo sa Refilwe gape. O ile a ba hlalosetša ka toro ya gagwe ya go aga puku ya bophelo bja gagwe, e tla rutang bana le baswa ka bohlokwa bja diphetho. Barutwana ba ile ba thaba kudu.

Mmasekgala o ile a thoma go ngwala ka maatla, a aga dipuku tšeo di hlalosago bophelo bja gagwe, mathata, le dithuto tša bophelo, o ile a hwetša tšeletana ka lebaka la bokgoni bja gagwe, gomme seo sa mo thuša go hlokomela bana ba gagwe.

Setšhaba sa Modikoni se ile sa mo hlompha, sa mo bona bjalo ka mosadi yo a šetšego a fetogile seka sa katlego le boikarabelo. Bagolo ba motse ba ile ba mo kgothatša gore a tšwele pele ka toro ya gagwe.

Kgaolo ya Lesome tharo: thego ya Setšhaba.

Ka morago ga katlego ya gagwe ya go ngwala le go aga bokamoso bjo bobotse, Mmasekgala o ile a bona thego ye kgolo go tšwa setšhabeng sa Modikoni. Batho dudi baile ba tšwela pele go mo thega.

Bagolo ba motse ba ile ba dula ba mmotša dikanegelo le dithuto, ba mo kgothatša gore a tšwele pele ka toro ya gagwe. Ba ile ba mo fa thego ka mekgwa ya setšo, ba mo ruta ka bohlokwa bja go hlompha badimo le go hlokomela tikologo.

Bana le baswa ba motse ba ile ba thoma go mo latela, ba kwa ka hloko mantšu a gagwe, ba ithuta ka bophelo le ka diphetho. Mmasekgala o ile a fetoga mosadi yo a rutago ka bophelo, a bontšha gore katlego ga e tloge e le ka dithuto fela.

Ka moletlo wa setšhaba, Mmasekgala o ile a bitšwa go bolela ka bophelo bja gagwe. Lentšu la gagwe le ile la tlatša maatla, le bontšha bohlale le boikarabelo. Batho ba ile ba mo hlompha,ba mo bona bjalo ka mosadi yo a šetšego a tšweletšego.

Ka tsela ye, Mmasekgala o ile a lemoga gore bophelo ga se fela ka motho a nnoši, eupša ke ka thušo ya setšhaba le bagolo toro e ka phethagalago.

Kgaolo ya Lesome Nne: Diphetogo tša Bophelo.

Ka morago ga thušo ya setšhaba, Mmasekgala o ile a bona diphetogo tše dikgolo bophelong bja gagwe. Bophelo bja gagwe bjale bo be bo sa swane le bja kgale.

Ka mesong, o be a tsoga ka maatla, a hlokomela bana ba gagwe, gomme ka morago ga moo a ngwala dikanegelo tša bophelo. Ka mafelelo a beke, o be a kopana le bagolo le baswa. a ba hlalosetša ka dithuto tša bophelo le ka bohlokwa bja diphetho.

Diphetogo tša gagwe di ile tša bonwa gape ka gae. Bana ba gagwe ba ile ba thoma go bona mmagwe bjalo ka mosadi yo a šomago ka maatla, yo a ba hlokomelago ka lerato, gomme seo sa ba ruta boikarabelo le mafolofolo.

Kgaolo ya Lesome le Hlano: Ditoro tša Bana.

Ka morago ga diphetogo bophelong bja gagwe, Mmasekgala o ile a lemoga gore katlego ya nnete ga e fele ka yena fela, eupša e akaretša le bana ba gagwe le bana ba motse ka moka.

O ile a thoma go ruta bana ka bohlokwa bja ditoro, a ba bontšha gore le ge bophelo bo ka ba thata, toro ya pelo ga e swanela go lahlelwa.

Ka gae, Mmasekgala o be a dula a ngwalela bana ba gagwe dikanegelo tša bophelo.

Bana ba motse ba ile ba thoma go bona Mmasekgala bjalo ka mosadi yo a ka ba seka sa kgothatšo. Ba ile ba ithuta gore ditoro ga di fele, di ka phethagala ge motho a ikemišetša go šoma ka maatla le go ba le boikarabelo.

Kgaolo ya Lesome tshela: Go Hlomphwa ke Setšhaba.

Ka morago ga mengwaga ya mafolofolo le maikarabelo, o ile a fihla lefelong la go hlomphwa ke batho ka moka. Leina la gagwe le be le šetše le tsebega ka Modikoni le tikologong ya bolobedu.

Bagolo ba motse ba ile ba mo fa mpho ya sefoka, e bontšhago gore o hlomphwa ke setšhaba ka moka. Bana le baswa ba ile ba mo bona bjalo ka mosadi yo a ka ba seka sa kgothatšo, yo a bontšhago gore bophelo be a fetoga ka botlalo.

Mmasekgala o ile a lemoga gore katlego ya gagwe ga e fele ka yena fela, eupša e akaretša le setšhaba sa gagwe. O ile a ikemišetša go tšwela pele ka go ruta bana le baswa, a ba bontšha gore toro ya pelo ga e swanela go lahlwa.

Kgaolo ya Lesome šupa: Mašeleng a Bokamoso.

Ka morago ga go hlomphwa ke setšhaba, Mmasekgala o ile a lemoga gore katlego ya nnete e hloka go tiišwa ka mašeleng a bokamoso.O be a sa nyake gore bophelo bja gagwe bo khutše ka dikanegelo fela.

O ile a thoma go ngwala dipuku tše di rutago bana le baswa ka bophelo, dithuto tša setšo, le bohlokwa bja diphetho. Dipuku tšeo di ile tša rekiswa ka sekolo le ka meketeng ya setšhaba, gomme seo sa mo fa tšhelete ye nnyane ya go e phidiša.

Setšhaba sa Modikoni se ile sa mo thega , sa reka dipuku tša gagwe, sa mo fa menyetla ya go ruta bana le baswa. Bagolo ba motse ba ile ba mo kgothatša gore a tšwele pele ka toro ya gagwe.

Ka tsela ye, Mmasekgala o ile a aga mašeleng a bokamoso ka go ngwala, go ruta, le go šoma le setšhaba. Bophelo bja gagwe bo ile bja bontšha gore le ge motho a ka palelwa ka tsela e nngwe, a ka aga bokamoso bjo bobotse ka go ikemišetša.

Kgaolo ya Lesome Seswai: Phetho ya Toro.

Ka morago ga mengwaga ya mafolofolo, mathata, le thego ya setšhaba, Mmasekgala o ile a fihlela phetho ya toro ya gagwe. Le ge a ile a palelwa ka sekolo ka nako e fetilego.

Dipuku tša gagwe di ile tša tsebega ka tikologo ya Bolobedu, gomme batho ba bantši ba ile ba ithuta ka bophelo bja gagwe le dithuto tše a di ngwadilego. Ka meketeng ya setšhaba, o be a dula a bitšwa go bolela ka bophelo bja gagwe.

Ka tsela ye, Mmasekgala o ile a fihlela phetho ya toro ya gagwe: go fetoga mosadi yo a tsebegago, yo a hlomphwago, le yo a rutago ka bophelo.

Kgaolo ya Mafelelo: Thuto ya Bophelo.

Bophelo bja Mmasekgala bo ile bja bontšha ka botlalo gore motho a ka palelwa ka tsela e nngwe, eupša ka maatla, boikarabelo, le toro ya pelo, a ka aga bokamoso bjo bobotse.

Go tloga ka lerato la baswa, mathata a dithuto, go hlokomela bana, go ruta ka setšo, go hlokomela tikologo, go ngwala dipuku, go hlomphwa ke setšhaba, go fihlela katlego ya nnete—Mmasekgala o fetogile seka sa bophelo.

#Ka mokgwa wo, kanegelo ya Mmasekgala e felela ka thuto ya bophelo: gore motho a ka aga bokamoso bjo bo botse ka maatla, boikarabelo, le toro ya pelo.

Mongwadi :Thabo Samuel Maake.