𝙂𝙖𝙩𝙡𝙪𝙖𝙖𝙠 𝙋𝙖ŋ𝙪ɛ̈ɛ̈𝙡 ɛ ley mi̱ bɛc bɛc. Jɛn cieŋɛ rɛy wec mi̱ cɔali̱ Kaldak.
Jɛn /cɛ mi̱th kɛ kuan tin camkɛ ɛ naath. Jɛn camɛ ni̱ naath. Nɛy diaal dualkɛ kɛ jɛ.

Kɛ cäŋ kɛl, Gatluaak cu buɔth ɛ näk.
Jɛn cuɛ gör kɛ nɛy ti̱ derɛ cam, duŋdɛ ɣöö thiɛlɛ ram mi̱ cuɛ jek.

Kɛ jɔakdɛ, cuɛ näk kɛ ley kä cuɛ cam.
Jɛn cuɛ ri̱a̱ŋ.

Kɛ kɔrɛ cuɛ wä wi̱i̱ puɔ̱ɔ̱l kɛ ɣöö bɛ we maath kɛ pi̱w.

Wi̱i̱ puɔ̱ɔ̱l, cu Gatluaak raan nɛn thi̱n. Cu raan ɛ ɣɔ̱n i̱ bɛ rɔdɛ bar. Cu Gatluaak löŋ i̱, "Cuŋni̱! ɛ ɣän Gatluaak. /Ci̱ ɣä bi̱ luäŋ kɛ leny, te̱ni̱ cuŋä!"

Cu raan cuɔ̱ŋ. Jɛn cuɛ dual, kuɛ la ɣöö cuɛ wee,
"Ci̱ɛ lat kɛ guäthdɛ. ŋuäni̱ ɣöö bä cuɔ̱ŋ kä bä thuɔ̱k lat."

Cu Gatluaak ga̱a̱c, kɛ cuɛ thiec i̱ "ɛ thuɔ̱k? Ji̱n ŋäci̱ thuɔ̱k? nɛy ti̱ ŋuan li̱wkɛ kɛ ɣöö kac kɛn kac. Mi̱ wi̱ ɣä la̱t thuɔ̱k da̱ŋ di̱ɔ̱k, ɣän bä ji̱ jak kä wä.

Cu wut ɛ nhɔk. Kä jɛn cuɛ thuɔ̱ɔ̱k da̱ŋ di̱ɔ̱k lat.

𝙏𝙝𝙪ɔ̱𝙠 𝙞𝙣 𝙣𝙝𝙞𝙖𝙢:
"Mi̱ tëë kɛ ram mi̱ ci̱ ɣä luek i̱ ti̱i̱ ɛn wanɛ, /cä dee me̱t ben ɛn wi̱ puɔ̱ɔ̱l ɛmɛ."
Cu Gatluaak wee: "Nɔmɔ ɛ thuɔ̱k. Mi̱ ci̱ɛ
ŋa̱c, /ci̱ dee me̱t ben kutdä."

𝙏𝙝𝙪ɔ̱𝙠 𝙞𝙣 𝙧ɛ𝙬𝙙ɛ:
"Mi̱ ci̱ ɣä jakä wä ɛ wa̱a̱ jɛ la̱t naath kä Makal i̱ Gatluaak cɛ ɣä päl, /ca ɣä dee ŋäth."
Cu Gatluaak wee: "Nɔmɔ ɛ thuɔ̱k.
Thiɛlɛ ram mi̱ cä me̱t pa̱l wä ni̱ wal. /Ci̱kɛ ruac du dee ŋäth.

𝙏𝙝𝙪ɔ̱𝙠 𝙞𝙣 𝙙𝙞ɔ̱ɔ̱𝙠𝙙𝙞ɛ𝙣:
"Ruac kɔn ɛn tämɛ kɛ ɣöö riäŋi̱.
Mi̱ ci̱ buɔth ji̱ näk, ci̱ ɣä dee me̱t jakä ta̱a̱ tekä.
Cu Gatluaak ɛ dɔl kä cuɛ wee: "Gatmaar, nɔmɔ ɛ thuɔ̱k.
Cä mi̱th kɛ ley, kɛ ɣöö nɔ ri̱a̱ŋä. Ji̱n pɛli̱.

Kä cu lɛt däk piny kɛnɛ raan.
Kä cuɛ la cäŋ in nhiam ɛn ɣöö bi̱ Gatluaak Paŋuɛ̈ɛ̈l raan päl.