በድሮ ጊዜ አንድ ዲቡ የሚባል የስምንት አመት ልጅ በደብረብርሃን ከተማ  ይኖር ነበር።

ድሮ ደብረብርሃን ትንሽ ከተማ ስለነበረች አብዛኛው ሰው እርስበርሱ ይተዋወቃል፣ዲቡ ቁመቱ አጭር ይሁን እንጂ ለቤተሰቦቹና ለሰፈሩ ፈጣን እና አስተዋይ ልጅ ነበር።

"ሲጠሩት አቤት!፣ሲልኩት ወዴት?" የሚል ጎበዝ ልጅ።

ከእለታት አንድ ቀን አንድ የሰፈሩ በእድሜ ጠና ያሉ አዛውንት ገበያ ልከውት ሲመለስ ያልታወቁ መንገደኞች ጠልፈው ይወስዱታል።

በዚህም የተደናገጡት ቤተሰቦቹና የአካባቢው ሰዎች ዲቡን ፍለጋ ይወጣሉ በፍለጋቸውም እድል ቀንቷቸው ሌቦቹ ዲቡን በአህያ ጭነው ከከተማ ይዘዉት ሊወጡ ሲሉ ይገኛሉ።

በህብረተሰቡ ጥቆማ ወንጀለኞቹ ተይዘው ለህግ እንዲቀርቡ ተደረገ። ዲቡም ከህብረተሰቡ እና ከቤተሰቡ ጋር በሰላም በደስታ መኖር ጀመረ።