Ekadeni kwabe kunomntazana igama lakhe lingu Nandi. Umntazana lo wabe ahlala nonina edorobheni elizele abantu. Abantu bakhona beba Sebenza imisebenzi eyahlukahlukeneko. Ngelinye ilanga emini, uNandi wathatha isiqunto sokobana ufuna ukufunda ngemisebenzi yabantu abahlukeneko adorobheni lakhe.

Mma,"Ngifuna ukwazi ukuthi abantu basebenza ini lapha edorobheni lethu" kutjho uNandi athabile
Unina wamomotheka wathi" mbono omuhle loyo Nandi". Askhambe siphume siyokubona abantu nemisebenzi yabo abayenzako.

Ngelanga lokuthoma emini uNandi wangena nonina eposweni lapho uNandi ahlangana khona no Kosikazi uFikile. EPosweni bekunuka amaphepha neentempu zakhona. Emoyeni bekuzwaka itjhada lama envilopu.
"Wenza umsebenzi muphi Kosikazi?" Kubuza uNandi
Ukosikazi UFikile wamomotheka wathi, "ngisiza abantu bona bakwazi ukuthumela iincwadi zabo koke lapho bafuna ziye khona enarheni yekhethu. Ngiqinisekisa bona woke umuntu uthola izinto zakhe ngesikhathi. Ngisebenza kusukela ekuseni nge iri le-8 bekube nge iri le5 emini, lokho kwenza bona ngikwazi ukusiza abantu abanengi ngelanga"
"Kuhle lokho" kutjho uNandi. " ukusiza abantu ukuthi bahlale bathintane"

Okulandelako, bakhamba baya esitetjhini somlilo lapho unina wathoma ukusala ngaphandle lokha uNandi nakabuzako. Esitetjhini somlilo bekuzele umnuko we poritjhi etja, begodu neenlori zokucima umlilo beziphazima emkhanyweni welanga. Kwazakala ukuduma kwesayirini"wutjhi "
Usebeza ukwenzani sicima mlilo Sam" kubuza uNandi
Isicima mlilo uSam wathoma ngokumomotheka."Ngenza isiqiniseka sokobana ilori yokucima umlilo ihlala ilungele ukuyokusiza lapho kufuneka khona isizo elirhabileko. Ngisiza ukuhlenga amaphilo wabantu. Ngisebenza ngeenkhathi ezihlukeko. Ngesinye isikhathi ngisebenza Kusuka nge iri le-6:30 ekuseni bekube nge iri le- 6 ebusuku. Ngesinye Isikhathi ngiyasebenza ubusuku boke nakufuneka isicima mlilo".
Amehlo kaNandi avuleka khulu"Lokho kuzwala kufuna isibindi! Usenza sihlale sivikelekile"

Ngemva kwalokho baya esitetjhini samapholisa. Isitetjhi samapholisa besikhanya begodu sihlanzekile, emabodeni bekunamapostara athinta ukuphepha, begodu bekukhona umtlolo omkhulu otlolwe "AMAPHOLISA." Ngaphakathi, bafunyane nepholisa elinobungani, igama linguSipho.
"Wenza msebenzi muphi Sipho?" kubuza uNandi.
Ipholisa uSipho wathoba izinga lakhe, wamamatheka wathi:
"Ngisiza ukugcina idorobha lethu liphephile ngokwenza isiqiniseko sokuthi abantu balandela imithetho. Ngisiza abantu abalahlekako noma abasebunzimeni, begodu ngiqinisekisa ukuthi indlela yethu ithule. Ngisebenza kusukela nge-iri le-7 ekuseni kuze kube li-iri le-7 ntambama."
Siyathokoza babupholisa ngokusigcina siphephile.

Ngelanga elilandelako baya esikolweni. Esikolweni kwabe kuthulile kunganatjhada, bekuzwakala ihleko labantwana emoyeni. Ngetlasini bekunuka amaphepha neencwadi ezitja, namapostara erhabise ebodeni.
"Khuyini umsebenzi wakho kosikazi uYonela?" Kubuza uNandi
Aphendule ukosikazi yonela"Ngifundisa abantwana ukufunda, ukutlola nokwenza izinto ezitja ngamalanga. Ngibasiza ukuthi bakhule bahlakaniphe. Ngisebenza ukusuka nge iri le-8 ekuseni bekube nge iri- le 3 emini. Soke isikhathi lesi ngisisebenzisa ukukufundisa abafundi bami"

Ilanga elilandelako bavakatjhela emtholapilo, kukulapho bathola khona umhlengikazi uLinda. Emtholapilo bekuzwakala ukulila kwemitjhini begodu kuhlanzekile. "Usebenza ukwenzani, mhlengikazi Linda" kubuza uNandi
Waphendula umhlengikazi ulinda ngokumomotheka"Nginakekela abantu abagulako nalabo abalimeleko. Ngibahlola ukuphakama komtjhiso emzimbeni, ngibaphe imitjhoga ngiqinisekise bona bazizwa ncono ngamalanga. Ngisebenza ama iri amanengi ngesinye iskhathi ubusuku boke ukusiza woke umuntu ogulako"
Wavuma ngehloko uNandi"loyo kubonakala kumsebenzi oqakathekileko! Usiza abantu bazizwe bancono"

Ngemva kwalokho bakhamba bayokujama esitolo lapho bahlangana khona no nomzana uRolihlahla Esitolo bekuzele iinthelo, emoyeni kunuka izinto ezivuthiweko. "Usebenza ukwenzani nomzana uRolihlahla" kubuza uNandi
Wamomotheka unomzana u Rolihlahla"Ngithengisa iinthelo ebantwini bedorobheni leli. Ngivuka ekuseni ngikhethe iinthelo ezihle bese ngiziletha lapha ukuthi abantu bakghone ukuthenga ukudla okunepilo"
Wahleka uNandi "lokho kuzwala kukuhle! Usiza imizimba yabantu bona ihlale inepilo ngokubathengisela ukudla okwakha imizimba"

UNandi ubonakala athabe khulu ngalokhu akuzwe ebantwini bedorobheni lakhe. Lokho kumenze wathaba khulu. Nonina naye bekathabile nakambona athabile ngombana njenganje sele azi bona abantu ahlala nabo basenza yiphi imisebenzi begodu babasiza bunjani abantu ngombana lokho kuyinto ebegade alangazelela ukuyazi.

UNandi uthabe khulu,"Ngufuna ukuthi ngibe mumuntu osiza abanye abantu, njengalaba engibabonileko namhlanje, mhlamunye utitjhere, uNesi nofana isicima mlilo." Unina kaNandi wahleka wambeka ehlombe "wathi kuzwakala kumnandi lokho Nandi nanoma kungumuphi umsebenzi owukhethako ngiyazi ukuthi uzokwenza iphasi libencono"
Kusukela mhlokho ukuya phambili, uNandi wazizwa athabile ngengomuso lakhe nangendlela ezinengi zokusiza abantu, njengabantu bedorobheni lakhe.
Uyazi ukuthi nonoma angakhetha muphi umsebenzi, uzokwenza umehluko emphakathini aphila kiwo.