Bafundzi belibanga lesihlanu esikoleni iPhambanisa, bebangasakhoni kulindza bafuna kugibela ibhasi lelibangise e Phumba bayobana tinyamatane. Injabulo beyibhalwe emehlweni abo.

"Nangoke dokotela wetilwane!" kumemeta Lubandzi somahlaya.

Batsite basehleti ebhasini balungele kuhamba, Nkosazane Dube wabanika miyalo watsi, "Ningemi ngetinyawo ibhasi ihamba, nakekelani timphahla tenu futsi nigadli ebhasini."

Khona lapho Lubandzi wamemeta,"Pumba!" Thishela wamcwayisa kutsi utawajeziswa.

Labafundzi batfokotela kutsi batawungena etitolo bayotsenga kudla. Ngemuva kwekutsi Nkosazane Dube amemetele. Behla ngekushesha ebhasini,bagijima bajahe kuyotsenga.

Nkosazane Dube wabakhumbuta kutsi banemizuzu lengu lemashimi lamabili.

Basacubeka neluhambo lwabo Nkosazane Dube wabafundzisa ngetihloko letihlukahlukene, kufaka ekhatsi tintsaba netigitjelwa.

"Bafundzi, sibitwa ngekutsi yini lesigitjelwa lesisibona lapha?" kubuta Nkosazane Dube."Sitimela," kuphendvula Prosper.

Ekugcineni bafika e Pumba, bamukelwa ngemfudvumalo nange njabulo ngu Nondvumiso umsiti wabo.

"Siyanamukela esiciwini iPumba. Nayi imitsetfo yekuphepha: hamba lapho kuvumeleke khona, hlonipha timphawu, ungatsintsi noma utame kudlisa tilwane."

Ngemuva kwekubuka lephakhi, labafundzi bayiswa egumbini lokufundzela lapho tilwane batibukela dvutane ngekhatsi kwemabhokisi ato, baftola nelwati lolubanti ngaletitwane.

Babafundzisa kutsi emabhubesi tilwane letinemandla futsi tiyabusa.

Nkosatane Dube watjela bafundzi kutsi badvwebe sitfombe sesilwane labasitsandzako basichaze ngekuhambisane nebuntfu babo.

"Yebo ngiyakutsandza kudvweba," Mehlo a Lubandzi agcwele injabulo. Wema phambi kwelibhubesi wacala kulibamba emadzevu alo.

Selufike emaphetselweni luhambo lwabo, umsiti wabo wabafisela luhambo loluphephile.

Lubandzi bekatfukile, afisa kuba sekhaya. Inhlitiyo yakhe ishayela etulu atfukele kutsi ucishe wadliwa libhubesi. Wafika wayicoca ekhaya.