Lungile naXola bangani labakhulu. Bebabangani kusukela babancani. Benta cishe konke ndzawonye. Abahlukani.

Labangani badla, bahambe baphindze bahlale bobabili esikolweni njengoba bafundza ekilasini laThishelakati Mvula kulibanga lesitfupha.

Numuhla Thishelakati Mvula ubukeka amuhle ngelilokwe lakhe lelimtfubi. Uyakutsandza lokumtfubi, utsi kuyamjabulisa.

Thishelakati Mvula ucele kutsi aphiwe indllebe kute atewutfula umfundzi lomusha. Libito lakhe nguLily kandzi futsi muhle.

Thishelakati ucele Lungile kutsi ahlale naLily kute ative amkelekile. Kwadzingeka kutsi Xola ahlale yedvwa njengobe bafundzi besebangu 35.

Ngesikhatsi sekhefu lamantfombatane ahlale wonke adla. Lungile naLily bebacoca ngatsi kadze batana.

Njengobe namuhla lusuku letemidlalo, Lungile naLily baye kuyolingisa umdlalo wasesiteji, kandzi Xola yena waya kuTennis.

Loku bekukuphela kwesikhatsi lapho labangani bangabi bobabili. Xola wativa afikelwa mona kepha wakhetsa kungasho lutfo.

Lungile wajabula nakatfola kutsi Lily utsandza kulingisa njengaye. Nabacedza kulingisa balibatisa ngekucoca ngenjabulo yekulingisa balingisi labahlukahlukene.

Xola nakabuya wabatfola bacoca kamnandzi, bahlekelela baveta nalemhlatsi.

Xola nakabuya wababuta kutsi kuhambe njani, bamemeta batsi, "KAMNANDZI!" Indlela labakhulume ngayo yameta wasaba kutsi ulahlekelwa ngumngani wakhe.

Lungile wabona kutsi Xola ubukeka aphatseke kabi, wambuta kutsi ukahle na? Watsi ukahle.

Lungile wabese ucela Lily kutsi abadedele. Wabese utjela Xola kutsi uyambona kutsi uphatseke kabi.

Xola wavuma, watsi utiva ngatsi ulahlekelwa ngumngani wakhe. Lungile watsi, ANGEKE, MINE NAWE SIMATSE NELULWIMI!

Lily wabuya ngesikhatsi labangani bangana. Wabuta kutsi uyaphazamisa na, batsi "cha".

Xola wacolisa ngekutiphatsa kabi, wamcolela Lily. Wabuta kutsi bangaba bangani, watsi "nakanjani" Bobatsatfu bangani, bangana bahlekelela.