Emaphela alwa ne Bantfu
Jabulile .C Mashaba
Canva AI
Siswati

Kulelinye lidolobha lelikhulu, bekunebantfu lebebalwa nemaphela ngenca yesakhiwo.

1

Ngalelinye lilanga lamaphela ancuma kuhlangana nemnikati walesakhiwo kute akhulume ngekukhatsateka kwawo. “ Sinenkinga ngebantfu njengobe basifutsa ngemakhemikhali futsi nguwe kuphela longasisita.” Kusho liphela.

2

Umnikati wesakhiwo uphendvule watsi “ hhayi ke!, kube nani benikhokha imali yekucasha njengebantfu benitawuviwa kodvwa kudzimate kube ngunyalo ngicela kusala ngedvwa.”

3

Emaphela bewatfukitsele kakhulu njengoba umnikati wahluleka kuwasita.Ngakusasa, emaphela ancuma kwakha sivikelo lebesitawuvikela ekubulaweni ngemakhemikhali.

4

Wonkhe malanga bantfu bebatsi nabavuka batfole ingcumbi yemaphela, babese batsenga emakhemikhali lamanyenti kepha uma bafutsa emaphela bewavele atente kwangatsi afile.

5

Emaphela ajabula kutsi lesivikelo sawo sisebentile abese ancuma kutsi ahlangane bese atsatse luhlangotsi lwekugcina lelitawenta bantfu bahambe siphelane.

6

Emaphela ancuma kutsi atawuhlasela bantfu ebusuku nabalele bese adle konkhe kudla kwabo. Umgomo bekukubulala bantfu ngendlala.

7

Emaphela enta njalo futsi bantfu bavuka bakhandza sakhiwo sihlangahlangene kantsi nekudla kuphelile. Bonkhe bantfu babutsa lokungekwabo baphuma kulesakhiwo. Emaphela asala aphila imphilo lemnandzi.

8
You are free to download, copy, translate or adapt this story and use the illustrations as long as you attribute in the following way:
Emaphela alwa ne Bantfu
Author - Jabulile .C Mashaba
Illustration - Canva AI
Language - Siswati
Level - First paragraphs
© African Storybook Initiative 2025
Creative Commons: Attribution 4.0
Source www.africanstorybook.org
Original source