Mbanyam lôhô iniongo. Awashima ve yô lu u nengen sha akaa a zan ve iyol yô. Lu alôm tor anya je lu lôhôn iniongo ye.

Sha iyange i iniongo la yô lu gberanger vea nyinya man aniwa ve va hii nyôron ye. Aniwa nenge a kwaghyan u hen iniongo la je shima hii u yinan un. "Gberanger vea nyinya tseegh kpa vea bee kwaghyan ne." "Man me er nena shawono?"

Ica gba ga tsô man nor ikyôr kpa va nyôr. "Man imbya gbor i nor ne nahan un tswen kpa una bee kwaghyan u hen iniongo ne," Aniwa hen ken shima na nahan.

Begha ikyôr, tor u mbanyam iyol na kpa va nyôr hen iniongo vea yar ikyôr. Alôm ikyôr, un u lu yôôn iniongo la kpa va nyôr vea anyam ikyôr tsuaa je.

Mlu u Dwem hen iniongo ne wanger anyamev mbagenev ga, nahan ve lu tswaang. Inyon i sha kpa pulugh va gba her. Kpatema nenge a ihyev je kpa er teghlee.

Anyamev kposo kposo er bagu, ambo, kpire, ikyegh man ihyo kpa ve va haa gbirgbir.

Er aniwya nenge a inyam i vesen ne va seer u nyôron je man vôr ken shima. "Ku! Imbya ne nahan se mbagenev kwaghyan a yina a vese gaa!" A kenger inyam i vesen ne hen gbor, "ngun tswen kpa una bee kwaghyan ne!" Kape aniwya hen la.

Aniwya shi gema kenger kwaghyan shi kenger gbor u nyinya. Aniwya ule! A kenger gbor u nyinya. "De me za ker gbenda wam, gayô me va kpe ijen."

Aniwya kaa ken shima na er, "de me za nôngo a iyol yam." Aniwya man kar yem gba za sangen ankaam ken akôngo yan. A lu yan ambi a ndor man a uman cii. A ya ankaam mba kpen shi hôôn in a uruam mba neer, hanma kwagh cii yô aniwya a ya.

A ya akaa côvcôv ide gbor gbing! "Guda nahan, hegen me za tema me ungwa mkohol." Hiden hen iniongo yô, iniongo bee kera anyamev hii u samben yemen sha ajiir ave.

Ka ape hua na aniwya za ide sha akaa a injaa ga, kwaghyan u dedoo kar un je ne.