Ngusatama m'nyumba aji pamo ni liŵasa lyangu.

Come cetu, lina lyakwe Nyawu, cikusatama soni nyumba jijiji.

Nyawu akusanonyela tuli n'kwang'andila pacilu pawo.

"Nyawu!" Akusalikolanga lina lyawo naga uli n'kwang'andila.

Cilo cine, napele Nyawu yakulya yapamtima pawo.

Nyawu ŵatemi pasi ni kutanda kulya.

Kaneka, Nyawu ŵatandite kukosomola.

"Ana uli, Nyawu?" nawusisye nambo ŵapitilisye kukosomola aku ali nkulimwaga pakamwa pawo ni lusajo.

"Nyawu, mlece kukosomola m'malisye yakulyayo." Nagumisile, nambo yawu wapitilisye kukosomola.

Panalolecesye, naweni Nyawu ali n'kulimwaga pa lulumi nambo soni mbula.

"Ana apali ŵampele yakulya yetaje sabola?" nawusisye.

Nyawu nganaleka kukosomola ni kulimwaga.

Nang'andile Nyawu pamgongo pawo nambo nganasala lina lyawo.

Ayi yanjogoyisye.

Panalolite mumbale mwawo, nasimonjile.

Mumbale mwa Nyawu mwaliji mwana yindu yecejewu.

"Mama! Baba!" naŵilasile acinangolo ŵangu.

"Nyawu alile sabola! Muyakulya mwawo mwana sabola!" nagumisile.

"Ngondone! Mwape mesi gakumwa!" Baba ŵatite iyoyo.

"Mtende citema, akupikana kupweteka!" Baba ŵagumisile.

Napele Nyawu mesi gakumwa.

Paŵamwele mesi, Nyawu ŵalesile kukosomola ni kulimwaga kula.

"Nyawu!" Ŵalikolasile lina Nyawu.

Nang'andile pamgongo pawo ni kwapa yakulya yine yangali sabola.