Aju ni mnyamata.

Lina lyakwe Mustafa.

Mnyamataju akwete ukombosi wapenani.

Akusakombola kulinganya yindu. Lisiku line jwalinganyisye fani jejonasice.

Acinangolo ŵasimonjile ni ukombosi wa Mustafa. Baba ŵawo ŵawusisye, "Ana pacimcikulapo n'kusaka cinkamuleje masengoci?"

Mustafa akwanga, "Ngusaka cimbe jwakulinganya katundu jwakwendela magesi."

Lisiku line foni ja mama ŵawo jasimile.

Mustafa ŵajilinganyisye ni acinangolo ŵawo ŵatogolele Mustafa.

Paŵamalisisye majiganyo gakusekondale, acinangolo ŵa Mustafa ŵatumisye kusukulu jakulijiganya kulinganya yindu.

Mustafa ŵakombwele cenene majiganyo gakwe.

Paŵamalisisye, Mustafa ŵapocele satifiketi ni yida yakuja kutandila shopu cakulinganya yindu yejonasisye.

Paŵayice kumusi, Mustafa ŵawugwile shopu cakulinganyicisya yindu.

Shopu ca Mustafa ŵandu ŵacinonyelaga mnope.

Ayi yatendekasisye Mustafa kuwugula sukulu jakwajiganya ŵane ukombosi wawo.

Pambesi pakwe, Mustafa ŵajiganyisye acacanda m'musi mwawo ŵaŵawugwile mashopu gawo.

Mustafa ŵaliji ŵakusengwa mnope ni ukombosi wawo.

Ukombosi wawo wakamucisye kwajiganya ŵane kusosa makobili nambo soni kutaŵa nyumba jamalata jakusalala.