Ngalelinye lilanga ehlatsini lelikhulu, bekukhona umnenke libito lakhe kungu Max. Max bekahlala ayedvwa afisa kutfola umngani lebekangadlala naye kodvwa tonkhe tilwane lebetikhona kulelihlatsi lahlala kulo betimatasa ngetintfo tato.

Max bekayedvwa nenhlitiyo yakhe ibuhlungu. Bekabukela tinyosi timatasa tenta luju, tintutfwane tihamba ngekulandzelana titfungatsana nekudla kodvwa kute nasinye silwane lesimunakile Max.

Ngalelinye lelilanga, kutse asatihambela Max esihlahleni wahlangabetana nesilwanyana egatjeni lesihlahla. Libito lalesilwanyane nguMagudumane.'' kunjani, bengisacela kuba mngani wakho''. kusho Max. Wamoyitela Magudumane wavumela etulu.

Max naMagudumane baba bangani labakhulu. Bebehla babuye bagibele etihlahleni, badlale mabhacelana baphindze bacocelane netindzaba. Max bekajabule kakhulu kuba nemngani lofana naMagudumane.

Kutse makushona lilanga, Magudumane wavalelisa ku Max ngoba sikhatsi sakhe sekuhamba besesifikile. Inhlitiyo yaMax yababuhlungu kakhulu makumele avalelile Magudumane. Wenta sitsembiso Magudumane kuMax sekutsi batophindze babonane.

Ngaphambi kwekutsi Magudumane aphaphe ahambe, wabona intfo lemangalisako. Max bekatjintja, mtimba wakhe bekacina, abanembala lohlukahlukene amanya. Max bekatjintja aba Livivane.

Kusukela ngalelo langa, Max besekabitwa ngeLivivane, bekaphapha yonkhe lendzawo enta nebangani labasha, afinyelela natukwe tindzawo lebekangakhoni kufinyelela khona.

Bekutsi njalo Max makabona tilwanyane letifana Namagudumane amamatseke, akhumbule mngani wakhe wekucala.