Kgalekgale ka nako ye nngwe, motseng wa Tafelkopo Mapule o be a dula le mmagwe ka morago ga gore tatagwe a hlokofale. Gomme mmagwe o ile a ya mašemo a tlogela Mapula ka lapeng a nnoši. O ile a tshepiša Mapula gore otla mo tlišetša dijo letšatši ka letšatši

Mmago Mapule o be a tshwenyegile kudu go tlogela Mapule ka lapeng, ka ge naga ya bona e be e dikaneditšwe ke dinatla tša go utswa batho.

Mmago Mapule o ile a mo tshepiša gore a tliše dijo letšatši le letšatši le go fa kopelo ye e kgethegilego bjalo ka sešupo sa go fihla ga gagwe. "Mapule ngwanake! Mapule ngwanake!" a realo, "ke kgopela o bule reje ngwanake! K ekgopela o bule reje ngwanake"!

Mesong ge letšatši le hlaba ke ge Mapule a amogela dijo gotšwa go mmagwe , dijo tša ka mašemong.

Mapule ngwaka! Mapule ngwanake! Ke kgopela o bule reje ngwanake!.

Ka o na motsotso owe, senatla se be se iphilhile se theeleditše ebile se lebeletše Mapule le mmagwe. Ka moragonyana Mapule o ile a kwa selotsoko se opela košana ya gagwe le mmagwe

Mapule ngwanake! Mapule ngwanake! Ke kgopela o bule reje ngwanake! Ke kgopela o bule reje ngwanake!. Mapule o ile a lemogo ka pela gore ke senatla ka ge sebe se opela ka lentšu la makgwakgwa.

senatla se ile sa wela tsela se nyamile sa boela ka lerakong mowe le dulago gona.Mesong le manthapama a mangwe le a manngwe mmago Mapule o tlišetša dijo gotšwa ka mašemong.

Ka letšatši le lengwe, senatla se ile sa tlela ke leano la gore le swanetše go fetola lentšu la sona gore le swane le la ga mmago Mapule.

senatla se ile sa beša mollo sa beša tshipi, ya re mola e fiša sa e tšea sa e lokela ka ganong gomme sa metša.

Ka morago, senatla se ile sa thaba kudu, sa thoma go opela ka ge se lemoga gore lentšu la sona le swana le la ga mmago Mapule.

Mesong senatla se ile sa leba ntlong ya bo Mapule, ge le fihla la thoma le go opela

Mapule ngwanake! Mapule ngwanake!Ke kgopela o bule reje! Ke kgopela o bule reje!

Mapule o be a thabile gokwa lentšu la mmagwe . O ile a bula lemati, ke ge a bona senatla sa digobagoba. Mapule o lekile go tswalela lemati, empa senatla se ile sa akgofiša, se ile sa mo swara ebile sa mo lokela ka gare ga lesakana.

senatla se be se thabile kudu, se ile sa boela morago ka lerakong la sona mo le dulago.

"lehono gona ketla ipsina ka nama ya motho, ketla robala dimpa tšaka di tletše", sa rialo senatla.

Mesong ge letšatši le hlaba, mmago Mapule bjalo ka mehleng o a tsena o mo swaretše mphago. O fihlile le go opela košana ya gagwe, efela Mapule o be a sa tšwelele. O opetše košana gape, efela go sena diphetogo.

Ka morago ga go opela laboraro, o ile a bula lemati, ke mo a ilego a lemoga gore morwedi wa gagwe Mapule ga gona, a akanya gore o tšerwe ke senatla.

Mmago Mapule o ile a loga leano a ya mo senatla se dulago gona, a fihla ale swaretše bjala.

Gomme senatla se ile sanwa ebile sa tagwa sa robala.

Ka morago Mapule la mmagwe ke ge ba swarana ka matsogo ba hlanola direthe. Go tloga fao , ba ile ba khudugela nageng ya khutšo yeo go senago dinatla maja batho.

TLOSARI
Senatla-motho wa di gobagoba wa go tshoša
lerako- lefolwana leo le dikaneditšwego ke mafsika.
Go hlanola direthe-go tshaba/kitima
Mphago- dijo
Digobagoba- dinamanama
Akgofiša- Ka pela