Kwabe kukhona umama wendlovu nabantwana bendlovu ababili, uTemu noTingo. Bebahlala bobathathu ehlathini.

Unina lika Temu noTingo bekathanda ukubabukela nabadlalako bajabulile. UTemu noTingo bebakuthanda ukuyaluka ehlathini badlale kodwana unina bekahlala abakhumbuza kobana bangadlaleli kude nekhaya.

Ngelinye ilanga, uTemu noTingo babona amaviyaviyani adlula aphaphela phezulu, anemibala emihle ekhanyako. " Asiwagijimise siwabambe!" kwatjho uTemu.

Ngelikhulu ithabo, uTemu noTingo bagijima etjanini ehlathini, bazama ukubamba amaviyaviyani.

Bathi nabasagijimisa amaviyaviyani njalo, batjhelela bawela ngedakeni. "Qala Tingo! amaviyaviyani ehlele lapha!" kwakhomba uTemu.

Ngaphandle kokumorosa isikhathi, uTemu noTingo beqela ngedakeni bathelana ngodaka begodu bahleka kumnandi.

Ngemva kwesikhatjhana, unina leendlovu wabona bona abentwana bayo balahlekile. Ngokukhulu ukutshwenyeka, wagijima alandelana neemporo zeenyawo zabantwana bayo. Unina wabathola badlala ngodaka.

"Temu! Tingo! nenzani la?" Kwabuza unina leendlovu ngokutshwenyeka. UTemu noTingo baqala phasi batjengisa ukuzisola.

Unina leendlovu wabakhipha ngedakeni. "Akukaphephi bona nidlalele lapha. Asikhambeni sibuyele ekhaya", kwatjho unina leendlovu ngephimbo eliphasi.

Bathe nabafika lapha bahlala khona, unina wabahlambisa ngomboko wayo, abathela ngamanzi. Wasusa udaka obuzele emzimbeni kaTemu noTingo.

Unina likaTemu noTingo wabatjela bona bangasadlalela kude nekhaya khona bazakuphepha. Wabafundisa isifundo esihle.

UTemu noTingo basingatha unina wabo, bazizwa baphephile begodu bathandwa. Babona bona ekhaya kulapha kunomma khona.

UTemu noTingo balala kamnandi ngaphasi komkhanyo wenyezi, lapha inyezi ikhanyise khona bha! babebadiniwe ngombana begade bagijimisana namaviyaviyani.

Unina walala kamnandi nabentwana bakhe. Abafundise nesifundo esihle.

Njalo ke, umndeni weendlovu wahlala kamnandi nangokuphepha lapha bahlala khona ehlathini. Umndeni lo, wahlala ngokuthula begodu uthabile.

IYAPHELA!!!

GLOSSARY