Kgalekgale, go be go na le mokgekolo yo a bego a tsebega ka koko, o be a na le lerato a bile a šoma ka thata. Koko o be a rata go hlokomela dithoto tša gagwe tša polaseng.O be a dula le ditlogolo tša gagwe tše pedi, Rele, yo a bego e le yo motele le Loge, yo mokopana a na le diponie tše pedi.

Boraro bjo bo be bodula ka ntlong ya polasa yeo e nago le mehlare ye mintšhi ye metelele yeo e bunago dijo tše dibotse tše bose.Letšatši le be le fiša kudu.
Banenyana ba be ba tsepeletše kudu mošomong wa bona wa sekolo.

Ke bogareng bja selemo diperekisi tša koko di budule di loketše mmarakeng, go ile gwa kgopelwa diperekisi tše makgolo a mabedi.Seo se nyamišago ke gore koko ga a kgone go bala.

Koko o ile a tšea sepheto sa go kga diperekisi tše ntšhi ka mo a ka kgonago go tšwa polaseng.

Koko o ile a tliša ditšhelo tše nne gomme a hlopha diperekisi ka magoro go ya ka fao, tšeo di loketšego mmaraka, diperekisi tš di bodilego, diperekisi tše di sa butšwago, le tši di jelwego ke dinonyana.

Mesong ye mebotse kudu ya Mokibelo, Koko be a thabile kudu ka gobane o na le ketelo ye boruthu go tšwa go ditlogolo tša gagwe.
Banenyana ba ile batla go thuša koko ka go paka le go bala diperekisi tša gagwe tša mmaraka.Koko o ile a ba laela go bala seripagare sa diperekisi tšeo di nyakegago.

Koko: "banyana baka! Ke thabetše ketelo ya lena.Nthušeng ke pake diperekisi tše ."
Loge: "Ke tla dira bjalo! Ka di hlopha ka lesome. Ke ka pela!"
Rele: "Lenna nka kgona! Ke tla dihlopha ka tše hlano."
Koko: "Banyana ba koko! Le bathuši ba mmakgonthe!"
Mafelelo.

Pukuntšu
Diponie- meriri ya maphontwana.
Selemo- sehla se borutho kudu sa ngwaga.
MMaraka- lefelo leo go rekišwago dilo tsa go swana le merogo le dienywa.