Sipho umfana longanaki

Luhlu lwetinchazelomagama

Kunganaki-kwenta intfo nekunganakekeli
Kudlaphalata-kumosha nobe kunganakekeli intfo.
kubaluleka- intfo lemcoka.

Bekukhona umfana lomncane ligama lakhe kunguSipho. Bekanganaki futsi atsandza kucitsa emanti. bekatifafata njalo ngemanti kuko konkhe lakwentako. Nangabe unebangani bakhe , udlala ngemanti. Make wakhe wacala kunaka kutsi njalo Sipho nakadlala udlala ngemanti.

Wase ubita Sipho watsi, " Kungani uhlala uchitsa emanti? Akazange aphendule, make wakhe wachubeka nekumbuta imibuto. " Uyati yini kutsi emanti asetjentiswa njani? Sipho waphendula watsi" Ngijabula kakhulu nangidlala ngemanti".

Ngalelinye lilanga Make wakhe wamtsatsa wamuyisa elwandle kuyobhukuda. Lilanga belishisa Futsi nesimo selitulu besisihle kutsi kungabhukushwa.

Sipho abefuna kutijabulisa, ngako watsatsa libhodlela lakhe lemanti wadlala ngalo. Wawacitsa onkhe emanti ebhodleleni.

Ngemuva kwesikhashane woma afuna emanti, wabese uyakhala.

Make waSipho wabona Sipho akhala, wasondzela kuye watsi"Ukhalelani Sipho? Waphendula watsi "Sengiphelelwe ngemanti kantsi sengomile". Make wakhe watsatsa libhodlela lakhe lemanti wantsisa Sipho.

Uyabona kutsi kungani silondvolote emanti? kubuta make waSipho. Sipho wanikina inhloko. Kufanele uyekele kucitsa emanti ngobe emanti siyawanatsa, sipheka ngawo, siphinde sigeze ngawo. "Titjalo tiphila ngemanti futsi tonkhe tintfo letiphilako emhlabeni tidzinga emanti", kysho make wakhe.

Kusukela ngalelolanga Sipho wayekela kudlala ngemantio futsi wacala konga emanti.