-Katjana ngulesilwane lesidla emantongomane epaki.
-Umjingo ngulentfo ledlala ngebantfwana uma basepaki.
-Umgadzi wetingadze temvelo ngumuntfu lonakekela noma logadza tingadzi tasepaki.

Thandi wagcumagcuma waya epaki, injabulo beyibhalwe ebusweni bakhe. Lamuhla bekulilanga lelipikiniki nemndeni wakhe, futsi bekutsenjiswe kutsi kutawuba nelilanga futsi kutawuba mnandzi.

Basandlala ingubo yabo ngaphansi kwesihlahla, Thandi wabona indvodza lebeyibukeka njengemuntfu lonemusa ita kubo. Abegcoke iyunifomu leluhlata njengetjani futsi amoyitela.

Sanibonani! "NginguMnumzane Dlamini, umgadzi wetingadze temvelo", washo ngekubingelela ngemusa. Uyalijabulela yini lelilanga lelihle?
Thandi waphendvula. Yebo, Mnumzane. Dlamini! Sente ipikiniki.

"Loku kuvakala kukuhle kakhulu", kwasho Mnumzane Dlamini ahleka. Ungatsandza yini kungisita ngalokutsite?
Emehlo aThandi abecwebetela ngekutibuta. "Yebo mnumzane Dlamini!"
Mnumzane Dlamini wakhomba umbhedze wetimbali losedvutane lobewugcwele timbali letinemibalabala. Uyatibona yini letimbali letinhle? Ngidzinga kwati kutsi tingakhi?

Sifuba saThandi sigcwala kutigabatisa. "Ngiyakwati kubala!" washo njalo. Thandi walandzela ngekutimisela, akhomba imbali ngayinye ngayinye futsi acala kubala. Timbali letintsatfu leti-orange, letine letimtfubi.....Livi lakhe laphakama ngenca yenjabulo njengobe abetfola tinombolo letisetulu.

Ngesikhatsi sebacedze kuhlobisa letimbali, Mnumzane Dlamini watsi, "Lemijingo lelapho ibukeka inesitunge kancane. Bangakhi bangani lebadzingako?
Thandi wagijima acondze kulemijingi, abebala ngeminwe yakhe. Umjingo wekucala, umjingo wesibili....."

NaMnumzane Dlamini wahlanganyela naye, futsi umoya wawugcwele luhleko. Bebajabule kakhulu baze baphakamise tandla tabo emoyeni kutsi Thandi ubala kahle. Imijingo lemibili! Kungenteka kusti ilindzele bangani babo kutsi bete batewudlala. Ngekushehsa, Thandi wabona kukhanya lokusalutfuli. Buka Mnumzane Dlamin! Bokatjane labanemsila lomavukuvuku!

Bokatjane lababili labanemsila lemavukuvuku bebagijima etjanini babutsa emantongomane. Thandi wahleka. "Umngani munye lonjengakatjane, bangani lababili labanjengakatjane..." Umnumzane Dlamini wachubeka ngekudlala. Kubukeka ngatsi batfole emantongomane lenele kubo bobabili. Ucabanga kutsi timbali nome imijingi kunyenti la epaki?

Thandi wacala kucabanga, wabindza kancane. "Asesibone"....
Wakhulumela phansi, ahlola ngekucophelela totimbili. Umnumzane Dlamini walindza ngesineke, emehlo akhe agcwala injabulo.

"Tikhona letinye timbali!" Thandi wamemeta ngenjabulo. "Umsebenti lomuhle, Thandi!" Umnumzane Dlamini wancoma. "Tinimbolo tingasisita nasicatsanisa tintfo."

Njengobe lilanga lichubeka, Thandi wachubeka atfola ematfuba ekubala. Abebala tincetu temahhabhula, tinyosi letihlabelako latisezingeni lelisetulu, kanye nemafu lebe asetulu. Ngesikhatsi sekufika sikhatsi sekuhamba, Thandi wajabula kakhulu. Kubala bekungasito tinimbolo nje kuphela; bekuyindlela yekuhlola live lelimtungeleti.

"Ngiyabonga ngekungisita lamuhla, Thandi", Kusho Mnumzane Dlamini, amchawula ngesandla. "Khumbula, lepaki igcwele tintfo longatifundza, futsi kubala kungakusita endleleni." Thandi wahleka. "Ngitakwenta loko, Mnumzane Dlamini! Sitawubunana esikhatsini lesitako!"

Iyaphela!!!!!!!!!!!!!!!!!!!!!!!!!!