Tlhaloso ya mantšu

Kgale kgale motsaneng wa ga Matlala go be gona le mafahlana e lego Katlego le Keatlegile gomme ba be ba dula le tatago bona Malose.

Ka le lengwe la matšatši Malose o ile a roma mafahla a gagwe go išetša makgolo wa bona dipanana gomme a ba eletša gore ba se ke ba tšea tsela ya sethokgwa.

Katlego le Keatlegile e be e le dibodu gomme ba ile ba tšea tsela ya sethokgwa ka ge e be e le ya kgauswi.

Ba ile ba sa le gare ba swere tsela kege go tšwelela Tšhwene. Lege ba be ba pipile dipanana tša bona ka lešela Tšhwene e be e di kwele ka monkgo.

E ile ya goelela ka lentšu le bogale gomme Katlego le Keatlegile ba tšhoga mo ba ilego ba wiša mmanki wa bona wa dipanana.

Ka lentšu le bogale Tšhwne ya re " Hee lena bananyana mpheng mmanki woo wa lena ge e ba le sa nyaka go bona ba lapa la lena. Katlego le Keatlegile ba ile bafa Tšhwene mmanki ka letšhogo.

Tšhwene e ile ya tsenelela dipanana tšela gomme mafahlana a be a sa tsebe gore a direng.

Ba ile basa dutši ke ge go tšwelela Mpša e hlasela Tšhwene yeo. Ka madimabe e hweditše Tšhwene e feditse dipanana ka moka.

Ba ile ba leba gae go yo hlalosetša tatago bona ka seo se diragetšego.

Tatago bona o be a befetšwe kudu gomme a ba fa kotlo ya gore ga ba tlilo tšwa ka kgoro ntle le ge ba eya sekolong.