Ukuhlakanipha- ukukhombisa ukuzwisisa izinto masinyana nokuba namaqghinga ukurarulula iinkinga.
Ukuhlupha- ukungalandeli imithetho , ukwenza izinto ngendlela yakho.
Ukuhlola kwenja- kulokha inja irhuwelela ngendlela ezwisa ubuhlungu ikhombisa bona kunento engakhambi kuhle.

Ekadeni endaweni yezabelweni kwakuhlala isalukazana esasibizwa ngo gogo uNaSiluma. Waye anenja ehlakaniphileko kanye neenkomo ezilitjhumi.

Hlangana nefuyo ka NaSiluma kwakune kunzi u Mandlakhe eyayitshwenya khulu kunazo zoke iinkomo ezazikhona. Ikunzi le yayithanda ukubalekela esigangeni kodwana u Nzimanzima inja ka Nasiluma waye ayizuma ayifumane ikomo le.

Kwathi ngobusuku bunye u Nzimanzima wahlola ngokulila isililo sezinja lokha inyezi nayizeleko. Lokhu beyikwenza ngonobangela wokuthi beyibona ukuthi iinkomo ziyatjhoda ngesibayeni. Kwaku neenkomo ezilithoba , ekubeni nazizoke zilitjhumi.

UNzimanzima wangena ihlathi wayokuzuma u Mandlakhe. Laphoke, uMandlakhe waye azidlalela ngehlathini azidlela notjani kamnandi.

Wathoma wanukelela uNzimanzima, azimisele khulu bona afumane ikomo elahlekileko. UNzimanzima waye anepumulo ebukhali naziza ekunukeleleni into bekayi thole. Iimpumulo zakhe zamuthumela phakathi ehlathini.

Ngemva kwesikhathi, uNzimanzima wamuthola u Mandlakhe azidlela utjani ehlathini angana ndaba nokunengi. Wahlaba umkhosi wokuthaba uNzimanzima nakabona uMandlakhe. Nokho wamuraga babuyela esibayeni sika Nasiluma.

Ekuseni uNasiluma nakavukako wathola Isibaya singanalutho. Wathukwa wapheze waphakanyelwa yiswigiri nakabona isibaya singanalitho. Koke lokhu kwaba ngonobangela wokuthi uNzimanzima waye aphathekile bese ezinye iinkomo nazo zalandela u Mandlakhe zabaleka.

Udorhodere weenlwanyana weza msinyana wazokuhlola uNzimanzima. Kwathi emalangeni amabili uNzimanzima waramuluka, esele ajuguja umsila akhombisa bona sele akulungele ukuyokuzuma iinkomo.

UNasiluma wathaba khulu nakabona uNzimanzima abuye nefuyo yakhe iphelele. Wabe wagugela uNzimanzima phezulu ukukhombisa injabulo.

Qosi yaphela njalo indatjana yethu.