Mbuti, Inja kanye naNkhomo
Lwethu Pertunia Dikiza
Lwethu Pertunia Dikiza
Siswati

Mbuti, Inja naNkomo bangani labakhulu. Ngalelinye lilanga bahamba luhambo lwabo ngetekisi.

1

Bafika ekugcineni kweluhambo lwabo. Umshayeli wabacela kutsi bakhokhe imali yetekisi.
Nkhomo wabhadala yakhe imali ngoba anayo.

2

Inja wabhadala lenengi ngoba anganayo leshintjekile. Umshayeli watsi usafuna kushintjela Inja.

3

Mbuti wabese uyabaleka angakabhadali ngoba bekete imali yekubhadala.

4

Umshayeli wabese uyatfukutsela wahamba. Uhamba nje akakayiniki Inja ishintji yakhe. Umshayeli utfukutseliswa kutsi Mbuti yena akakakhokhi imali yekubhadala loluhambo lwabo.

5

Kungako namuhla Inja nangabe abona noma eva umsindvo wemoto uvele agijimele kuyo ayohlola ngekhatsi.
Wenta konkhe loku ngoba afuna imali langazange wayitfola.

6

Mbuti nakeva umsindvo wemoto uvele abaleke. Ubaleka ngoba usaba kutsi utawuboshwa ngoba akamange abhadale imali yetekisi.

7

Nkomo yena akasabi lutfo.
Utsatsa sakhe sikhatsi kuwela mgwaco ngoba uyati kutsi wabhadala yakhe imali yetekisi.

8
You are free to download, copy, translate or adapt this story and use the illustrations as long as you attribute in the following way:
Mbuti, Inja kanye naNkhomo
Author - Lwethu Pertunia Dikiza
Illustration - Lwethu Pertunia Dikiza
Language - Siswati
Level - First paragraphs
© African Storybook Initiative 2024
Creative Commons: Attribution 4.0
Source www.africanstorybook.org
Original source