Kusekuseni uMlondi udlala ngaphandle, "Mlondi mntwanami akhusondele la". Unina ubiza njalo upha iinkukhu isiphila. Naye uMlondi asondele. "Qala, ngifuna bona ksasa sivuke ekuseni sikhwele ibhesi siyokuthenga iimpahla zakho ezitja zesikolo." Kutjho unina. Athabe kwamambala uMlondi bona uyokukhwela ibhesi.

UMlondi ubegade athabe kwamambala bona kusasa uyokukhwela ibhesi begodu bekabhalelwa nangani kulala, aqabanga ikhambo lakhe lakusasa nonina.

UMlondi uvuka ekuseni, uyaqabanga bonyana iimpahla zesikolo unina ayomthengela zona zizomlingana na. Uzibuza uyaziphendula. Uthe asaqabanga njalo kwavela unina.

Unina uvuka ekuseni uthi uyokuvusa uMlondi amthole sele ambethe, arareke kwamambala. "Ngithi ngizokuvusa wena, sele sewuhlambe nini"? kubuza unina. "kade mina ngiqedile, angifuni bona ibhesi engiyithandako ingitjhiye". Ahleke yedwa unina, "awa ithi nami ngiyozilungisa msinya mntwanami sikhambe".

Bajame ekhoneni balinde ibhesi. UMlondi abona sengathi ibatjhiyile adane kancani. "iseza mntwanami, nokho sirhabile" kutjho unina.

Abantu bathome bafike estopeni balinde ibhesi. Nabo baqale isikhathi bona ayikadluli nofana iseza na.

Abantu besele bathoma ukutshwenyeka bona ibhesi ayiveli. Kuthe bona kuzwakale umdumo wakhona woke umuntu wathaba kwamambala, "naso iyeza mma", kutjho uMlondi akhomba la izwakala ngakhona.

Kuthe bona ibhesi ijiame estopeni, abantu besele bazilungiselele ukukhwela begodu bajame nomjeje. UMlondi nonina babe ngebokuthoma ukukhwela.

UMlondi nonina sele bangebhesini, gade ajabule kwamambala UMlondi bona ibhudango lakhe lokukhwela ibhesi liyafezeka. Bekangakghoni nokulinda bona bafike edorobheni bayokuthenga iimpahla zakhe zesikolo.

Nasiya ibhesi iphuma ngemakhaya iya edorobheni, uMlondi umoyizela yedwa uqale indlela, phela ufuna ukubona indlela. "Safezeka isifiso sami" kutjho uMlondi ahlole ngefesidere.