Emtini lomuhle lobewugcwele tihlahla,netimbali temibalala, tincwebetela. Bekuhlala inkosikati Temalangeni , lebekatsandza emavivane, kodvwa belilodvwa bekalitsandza kakhulu, livivane Buhle.

Temalangeni: " Ngiyanibingelela mavivane lamahle, , buhlobo sebungenile, timbali tihle kakhulu" usho loko emavivane ayandiza kuletimbali, yena uyanisela.

kwatsi ngalelinye lilanga, Temalangeni asabuke emavivane andiza etulu kwetihlala, wabona sitfunti ,sendodza lendze, lendzala iphetse inethi. Nakatsi ubuka inethi wabona, livivane lalitsandza kakhulu lifakwe kulenethi.

Buhle: " Ngisiteni bo ! angifuni kuhamba nalomtingeni" usho uyakhala uhamba nelondodza .

Temalangeni wagijima kakhuu, wacenga lendodza lendze kutsi ikhulule Buhle, kodvwa lendodza bengingafuni, ijabule kakhulu ngeliviviane lelinembala lomuhle. iImpilo yelivivane beyisengotini kakhulu, ngobe lendodza iphetfwe inkhanuko yekulitsengisa nobe ilipheke.


Temalangeni " ngiyakucela muntfu wenkosi, ngicela ukhulule leliviane, ngitakunika linani lemali lolifunako ngiyakutsembisa" kusho lenkhosikati incenga lendodza.

Lendodza yahamba nenethi yayo lena Buhle, livivane ekhatsi. Belibonakala lilwa ngemandla, kodvwa lingakhoni kuphuma.

Umtingeli: " maye lihle lelivivane, leli ligugu lelikhulu kimi, kumele ngicinisekise kutsi alibaleki" usho njalo ulibambe asendleni sakhe kulenethi.

Kwatsi sekuphele emalanga lamabili lenkhosikati, Temalangeni, wahlala phansi wacabanga indlela yekwenta lendvodza ikhulule livivane, Buhle. Temalangeni nemavivane babona kutsi atsatse yinye yaletimbali letihle anike lendvodza.

Temalangeni: " kuncono ngitsatse imbali lenhle kunato tonkhe nginike lendodza ikhulule lelivivane" usho uhleli uyacabanga.

Temalangeni wahamba wayo khuluma nelendvodza kutsi ikhulule lelivivivane, lendvodza beyikwate kakhulu kodvwa yagcine ivuma kubona lembali lenhle lekukhulunywa ngayo.

Umtingeli:" ubuye nalembali lokhuluma ngayo kusasa, kodvwa nyalo, angekhe ngilikhulule lelivivane. uinisekisa kutsi alishoni lilanga lakusasa.

Kwatsi ekuseni nakuphuma lilanga, Temalangani wabesakafikile kulendodza lendzaba aphetse lembali lenhle lelinembala lofana nawelivivane, Buhle.

Temalangeni:" nayi lembali lengikutsembise yona, ikhona kutivula ikhanye ebusuku, ngingakunika yona nangabe ungakhulula lelivivane"

lendodza yabona buhle balembali, yacabanga kahle ibona kucwebetela kwayo netiphawu tayo. Lendvodza yabona kucono kutsi akhulule lilivivane.

Lendodza yajabula kakhulu kubona lembali lephetswe ngulenkhosikati wabona kuncono akhulule lelivivane, walandza inethi wayivula, waphuma Buhle ajabule kakhulu.
Umtingeli: "Loku ligugu lelihle kakhulu, Sawubona mbali yam, leyihle kunato tonkhe"

Lobabe lomdzala, abenetisekile ngalembali yakhe lenhle, wahamba , kodvwa lembali beyifihle tinyosi ngekhatsi kwayo, emavivane kanye naTemalangeni bafuna kufundzisa lendodza sifundvo.

Temalangeni kanye naBuhle livivane lelihle bachubeka nekuhlanganyela etintfweni letinyenti letijabulisako labahlangabetana nato ndzawonye, futsi buhlobo babo bacina kakhulu kunakucala. Ngobe enhlitiyweni yenkhosikati kanye nasetimphikweni letihle lelimangalisako, bekukhona buhle lobungeke bucatsaniswe nalutfo, buhle lobudalwa lutsandvo, luvelo kanye netimangaliso temvelo.

Temalangeni nemavivane:" Siyakwamukela Buhle" emavivane ajabula kakhulu kona lelinye lemavivane libuyile futhi, kodvwa ke, beva ngemsindvo lomkhulu indvodza imemeta...

cosi cosi yaphela.