Sekudlule isikhathi eside khulu izulu lingani, phasi kome kere.Umphakathi uvele nombona wokobana kumele uhlangane uthandazele izulu.

Umthandazi omkhulu wanikela abantu ithemba nesiqiniseko sokobana izulu lizokuna. "Ningakhathazeki sitjhaba sekhethu, asihlaleni ethembeni lokobana izulu lizokuna". Lokho kwanikela abantu amandla wokuthandaza nethemba lokobana bazokukgona ukubuyela emasimini batjale.

Abantwana badlale ngaphandle balinde izulu.Kuthi lokha ntambama kubonakale ilifu elinzima tshu!

Umma aphumele ngaphandle arhuwulele abantwana, "Jabu, ngenani ngendlini" ngombana ilifu elinzima besele lisondele.

Nangembala izulu line.

Sajabulela izulu nathi kodwana azange lithule.

Amanzi azele koke,iblorho lizele amanzi swi!.

Imizi yakhukhulwa ziinkhukhula.

Iintjalo zacwila ngemanzini, lokha ebekuyi-sibusiso sekuyihlekelele nje.

Iingwenya zamanzi bezizele koke nje, lokhu khange kwenzeka phambilini.

Besingarhoni ukulibhada ngaphandle nokuya emavikilini ngoba ibhulorho likhambe namanzi.

USipho ukhuluma nabokatsu bakhe "bengingathembi bona singathola isikhathi esingaka sihlezi soke, ngiyalithokoza izulu kazi elingaka."

Ukoma - kutlhoga amanzi.
Umphakathi- abantu abanengi.
Umthandazi- mumuntu onesiphiwo sokuthandaza.
Ilifu- ngokuvela esibhakabhakeni izulu nalizako.
Iblorho- ngilokhu esikusebenzisa nasiyamako emlanjeni.
Ingwenya- silwana semanzini
Ukatsu- silwana esincani esufuyiwako.