Inesi: mumuntu ofundele ukunakekela abantu abagulako.
Ipholisa: mumuntu womthetho osebenza ukuvikela abantu emphakathini.
Umtjhayeli weteksi: mumuntu ofunde ukutjhayela wathola nelaysensi yokuthutha abantu abaya eendaweni ezihlukahlukeneko.
Umphathi sitolo: mumuntu ogada isitolo nendlela irhwebo likhamba ngayo.

UMolly ungetlasini. Utitjhere wabo ubatjela bona bazilungiselele ukugidinga ilanga lakusasa, la bazokutjengisa bona bafuna ukuba yini nabakhulako.

Uyakhamba uMolly uyokulungisela ilanga elikulu.

Uthoma ngokuya ngetlinika. Inesi liyamutjela ngomsebenzalo wokusiza abantu abagulako.

Nakaqeda waya ngesitetjhini samapholisa. Ipholisa nalo limhlathululela ngomsebenzi walo wokubopha iinlelesi.

Njenganje, uMolly ufuna ukuya eenthabathabeni zeentolo. Kukude nasekhabo. Ubona kungcono bona akhwele isithuthi iteksi.

Ngeteksini ahlangane nomtjhayeli weteksi. Naye amtjele ngomsebenzakhe wokuthutha abantu.

UMolly sekafikile eentolo. Uthola umphathi wesitolo. Naye uyamtjela ngomsebenzakhe.

UMolly sele akhethile bona ufuna ukuba yini nakakhulako. Ufuna ukuba inesi, asize abantu abagulako nabangazizwa kuhle.