Kwakukhona intfombatanyana leneminyaka lesikhombisa budzala, libito layo bekunguBusi. Busi bekamuhle anetinwele letisihlutfu letihle. Busi bekahlala nagogo wakhe, Nana.

Njalo ekuseni, Busi nagogo wakhe bebahlala etafuleni badle sidlo sabo sasekuseni. Gogo waBusi bekavuka abhuce inhlama yakhe yekubhaka emakokisi labatawudla wona banaBusi.

Kwatsi ngalelinye lilanga, Busi nagog wakhe bahleli badla, Busi wavakala atsi, "maye Gogo lamakokisi akho amunandzi. Kungaba njani ungifundzise kuwabhaka nami?" Gogo waphendvula watsi, "ngiyabonga Busi mntfwanami. Ngitakufundzisa kuwabhaka."

Ngelilanga lelilandzelako, Gogo wacela lusito lwaBusi ngembi kwekubhuca inhlama yakhe yemakokisi. Busi wafikelwa yintfokoto lenkhulu uma eva kwekutsi utawube afundza kubhaka emakokisi agogo wakhe lamnandzi kakhulu.

Litafula laboBusi naGogo belugcwele ngetitsako tekubhaka emakokisi, titja tekubhuca kanye netinkomishi tekukala titsako.

Bacala-ke boBusi naGogo kubhaka, kepha ngembi kwekutsi bacale kuhlanganisa inhlama yabo, Gogo wachazela Busi ngekubaluleka kwekukala titsako waphindze wamubonisa kwekutsi titsako tikalwa njani ngekusebentisa tinkhomishi tekukala titsako

Kwatsi kusenjalo, boGogo naBusi babe sebacedzile kubhuca inhlama yabo yekubhaka emakokisi. Ngemuva kwaloko babese bafaka inhlama yabo emapanini bayifaka esitofini kute avutfwe. Busi bekangakhoni kufihla injabulo yakhe, aloku ahlola esitofini Ngemuva kwesikhashane, afuna kubona kwekutsi kwentakalani kulenhlama yabo lebayibhuce bobabili banaGogo.

Kwatsi ngemuva kwesikhashana, emakokisi abe sekavutsiwe. Gogo wawakhipha, wawabeka etafuleni kute aphole ngembi kwekutsi bawadle. Busi wajabula kakhulu uma atfola kwekutsi lamakokisi amunandzi kundlula lawa labahlala bawadla wonkhe malanga, kantsi futsi bekatichenya ngelwati lwakhe lolusha lebesekanalo lwekubhaka emakokisi kanye nekutsi besekakwati kubaluleka kwekukala titsako uma ngabe ubhaka emakokisi.

Iyaphela indzaba yetfu.

IYAPHELLLAA!!!!!!!