

I-Glossary.
Kuvuna inhlanyelo - kubutsa inhlanyelo lelungele kuvunwa nobe kugcizelela kusebenta kwekuvuna inhlanyelo lese ivutsiwe.
I-Glossary.
Kuvuna - indlela yekuvuna sivuno lesivutsiwe emasimini.
Kusemini futsi simo selitulu sihle, tilwane tincuma kuhlangana ehlatsini.
Imvu, lekusiilwane lesiihlakaniphile emmangweni, sikhombisa kukhatsateka ngenkinga lekhona mayelana ngekuphela kwekudla kulelive futsi yitsi kufanele tichamuke nelicebo lekutfola lokunye kudla.
"Sinekudla lokwenele", kwasho Logwaja. Imvu ayizange yivumelane naloko futsi yatsi: "Nangabe singacali nyalo, kutawutsatsa sikhatsi lesidze kutsi sivune, futsi ekugcineni sitawuphelelwa kudla.
Letinye tilwane tavumelana nesiphakamiso semvu, ngaphandle kwaLogwaja. Ngako-ke, bancuma kuhlangana ngelilanga lelilandzelako kute bacoce ngendlela lebebatawukhulisa ngayo lelipulazi.
Ngelilanga lelilandzelako, bonkhe bahlangana kute bahlele lipulazi. Nobe kunjalo, Logwaja akazange afike. Letilwane tacabanga kutfumela Inkhukhu kutsi iyolandza Logwaja.
"Logwaja, ukhohliwe yini kutsi sinemhlangano? Wonkhe umuntfu ukulindzile", kwasho Inkhukhu. Logwaja watsi: "Ngimatasatasa kakhulu, angeke ngikhone kuya emihlanganweni."
Chicken wancuma kubuyela emhlanganweni ngaphandle kwaLogwaja futsi wabatjela kutsi utsi Logwaja akafuni kulima nabo.
Bonkhe bantfu bancuma kuchubeka basebenta kamatima kute bakhulise inhlanyelo yabo kulelipulazi. Njalo ekuseni Logwaja uvuka ahambe angakahleli kutsi utawudlani ngelilanga lelilandzelako.
Ngemuva kwetinyanga letimbalwa, ngesikhatsi sekuvuna, letilwane tiyabona kutsi kunetitselo letilahlekile kulelipulazi. "Hawu! Lipulazi letfu, yini lesingayenta? kubuta inkhomo.
Bonkhe bavumelana ngekutsi batawuhlangana ngakusasa ekuseni. Ngakusasa ekuseni, bacasha emahlatsini kute babone lelisela lelitjontja titjalo tabo.
Bamangala nababona kutsi nguLogwaja lowebako. Inkhomo, leyayinesibindzi kunato tonkhe, yasondzela kuLogwaja. "Ucabanga kutsi wentani?" kwabuta inkhomo.
Logwaja waphendvula watsi: "Bengifuna kudla, ngilambile". "Epulazini letfu?", kwabuta Inkhukhu. Logwaja watsi: "Ngiyacolisa". Waphindze wacela kutsi bamcolele futsi wabetsembisa kutsi angeke aphindze ebe.
"Siyakuva, Logwaja, kodvwa sati ngani kutsi ukhuluma liciniso mayelana nekuyekela kweba? "Kusukela nyalo kuya embili, ngetsembisa kutsi ngitawuhlanganyela nani ekukhuliseni lelipulazi", kwasho Logwaja.
Tilwane tincuma kumtsetselela Logwaja futsi timvumele kutsi ahlanganyele nato. Bakanye, bachubeka bandzisa lipulazi futsi bakhicita kudla lokunyenti kute baphile imphilo lejabulisako.

