Emkhatsini kwe tintsaba i Lebombo kanye nemfulakati lomkhulu Inkhomazi kulapho insimu ya Mnumzane Langa beyikhona . kulensimu bekute silwane lesasishoda bekukhona timbuti , timvu , tinkhomo kanye naletinye nje tilwane longaticabanga.

Ngalelinye lilanga ekuseni umnumzane Langa wavuka watfola tinkhomo takhe tinyamalele bekusele yinye inkhomati umnumzane Langa loko kwammangata kakhulu nakabona lesentfo ingani phela bekahlala yedvwa wacabanga kutsi kunemlingo kulensimu yakhe .

Mnumzane Borries bekunguye lobekeba imfuyo ya lomlimi ingani phela bekalijabhane lebelidla inyama lehlata ingakho eba lemfuyo yamnumzane Langa "ewu kumele ngibuyele lena ensimini ngiyontjontja lenkhomati lesele buka tinkhomo tami setiphelile " kukhuluma mnumzane Borries ahamba acondza ensimini sekayotsatsa inkhomo yekugcina.

Mnumzane borries ufike watsatsa lenkhomati lebeyisele washiya sibaya singenalutfo singenankhomo ekuseni mnumzane Langa wabona kutsi kuncono ayobuka lenkhomati yakhe lesele yodvwa nakefika watfola kukhala libhungane esibayeni.

Mnumzane Langa yamcansula kakhulu leyontfo watfukutsela,wagana lunwabu wabona kutsi kuncono kutsi avele agibele egandeni yakhe abuke tinkhomo takhe insimu yonkhe bekatsemba kutsi tinkhomo takhe utatitfola .

Tinkhomo phela besetiphelile lapha ensimini yamnumzane Langa, kwaba ngulenkhulu inkhinga phela leyo kumnumzane Borries wabona kutsi kuncono ebe tinkhukhu atokhona kudla lobo busuku washo ,anikela khona emahhokeni lapho ufike wantjontja tinkhukhu .

Ekuseni mnumzane Langa wabona kutsi tinkhukhu takhe tinyamalele tonkhe emahhokeni wonkhe, loko ,kwamdvumata kakhulu wabona kutsi kuncono achamuke nelicebo lekutsi alale ngaphandle ensimini atobona kahle kahle kutsi ingabe kwentekani ngemfuyo yakhe lobo busuku lomlimi walala khona lapho ensimini yakhe.

Ebusuku kwatsi umnumzane Langa asalele lapho weva umsindvwana wetinyawo tinyonyoba watsi uvula emehlo akhe wabona indvodza lendze lesabisako lenematinyo lamakhulu futsi lengcolile. lezana kuvula lihhoko ifuna kweba timvu wamemeta ngelivi lelikhulu nalelitfukile "ngakubamba chakijane " kusho mnumzane Langa etfukile

Mnumzane Langa wabona kutsi kuncono agijinise lesigebengu atfukutsele wazama kugijimisa lelisela lebeleba imfuyo yakhe umnumzane Borries wagijima wagcina satitsele edamini lelikhulu.

IYAAAAAAPHEEEELAAAAA!!!!!!!!!!!!