1. Imiva: indlela muntfulativa ngayo.
2. Luhambo: indlela muntfu layihambako nangabe kukhona lapho lafua kufinyelela khona.
3. Ipicnic: ngulapho bantfu benta kudla bayodlela ngaphandle epark bahlale etjanini.
4. Ema-swing: mijikelo letfolakala ema-park apho kudlala khona bantfwana.

Kwake kwaba khona intfombatanyana lebeyibitwa ngekutsi nguLily lebeyihlala edolobheni lelincane.

Bekulidolobha lapho bonkhe bantfu bebahlala bajabulile. Kodvwa muva nje, Lily bekativa ngendlela leyehlukile futsi bekafuna kucondza indlela lativa ngayo.

Ngalelinye lilanga, ngesikhatsi Lily ahamba epaki, wahlangana nentfombatane lenemusa ligama layo lokunguJoy. Joy abehlale amoyitela futsi ahleka ngendlela letsintsa labanye.

Ngesizatfu sekutsi bekatsandza kwati, Lily wabuta Joy mayelana nenjabulo. Joy wachaza kutsi injabulo imvamisa ibangelwa kuba nemiva lehle leyenta inhlitiyo yakho igcwale injabulo futsi ikwente ufune kucocela labanye ngayo.

BoLily naJoy bebahamba ndzawonye, Badlala imidlalo, badlala ema-swing futsi bebaphindze babe nemapikiniki.Lily wafundza kutsi kuhle kutiva ujabulile nekutsi kusakata injabulo kungenta nalabanye bajabule.

Njengobe Lily achubeka neluhambo lwakhe, wahlangana na-Sadness, lobekanemehlo lagcwele tinyembeti futsi livi lakhe lebelivakala limnandzi.

Lily wabuta Sadness mayelana nekuva buhlungu. Wachaza kutsi lusizi luyimvelo futsi lusisita kutsi sicaphele buhlungu lesibuvako siphindze sitfole indvudvuto.

Bahlala phansi ebhentjini lelipaki futsi bacoca ngekukhululeka ngetintfo letibatsintsa inhlitiyo.
Lily kutsi kuyintfo levamile kudzabuka.

Ngemuva kwaloko, wahlangana na-Anger, umuntfu lonemandla lohlale, akulungele kumelela lokulungile.
Lily wabuta Anger ngekutfukutsela. Anger wachaza kutsi kutfukutsela kungumuva lonemandla longasenta sitsatse sinyatselo lesibi, kodvwa kubalulekile kutsi sikukhombise ngendlela lekahle.

Bebahlanganyela emisebentini lefana nekudvweba kanye nekushaya sibhakela, lokwavumela Lily kutsi akhiphe lulaka lwakhe ngendlela lekahle.

Lily wafundza kutsi kutfukutsela kuyimvelo nekutsi kubalulekile kukukhombisa ngendlela lekahle.

Njengobe Lily achubeka nekuhlola imiva yakhe, wahlangana naFear, lobekangumuntfu lonemahloni lobekahlala afuna tintfo letingaba yingoti. Lily wabuta Fear ngekwesaba.

Fear wachaza kutsi kwesaba kungumuva lotivikelako losicwayisa ngengoti lengahle ivele, kodvwa kubalulekile kubukana nekwesaba kwetfu futsi sikuncobe.

Kute basite Lily kutsi akucondze loku, Fear kanye naLily bancuma kuhamba bayovakashela ipaki yetintfo letijabulisako lebeyihlale imesabisa Lily.

Njengobe bebahleka futsi bamemeta ndzawonye, Lily wabona kutsi kubeketelela kwesaba kwakhe kwamenta waba nesibindzi.

Njengobe besekayicondze kahle indlela lativa ngayo, Lily wabuyela edolobheni lakubo.

Wabona kutsi kuyintfo levamile kuba nemiva leyehlukehlukene nekutsi ngamunye unenjongo ekuphileni kwetfu.

Lily wancuma kucocela bangani bakhe ngalolwati labenalo, wahlela kutsi kube nemhlangano lapho bebangahlola khona indlela labativa futsi bafundzisane.

Bahlangana ndzawonye bacoca ngenjabulo, lusizi, intfukutselo, nekwesaba, kanye nendlela yekukukhombisa nekulawula imiva yabo ngendlela lekahle.

Ngako-ke, lokuhlangenwe nako luhambo lolumangalisako laLily kwaphela. Kodvwa tifundvo latifundza kanye nebungani labenabo bekutawuhlala kuye kuze kube phakadze.