-Ipikiniki kulapho uhlangana khona nemndeni wakho niyewungcebeleka.
- Katane ngulesilwane lesidla emantongomane epaki.
- Umjingo ngulentfo ledlala ngebantfwana uma basepaki.

Thandi wagcumagcuma waya epaki, injabulo beyibhalwe ebusweni bakhe. Lamuhla bekulilanga lelipikiniki nemndeni wakhe, futsi bekutsenjiswe kutsi kutawuba nelilanga futsi kutawuba mnandzi.

Basandlala ingubo yabo ngaphansi kwesihlahla, Thandi wabona indvodza lebeyibukeka njengemuntfu lonemusa ita kubo. Abegcoka iyunifomu leluhlata njengetjani futsi amoyitela.

Sanibonani! "NginguMnumzane Dlamini, umgadzi wetingadze temvelo", washo ngekubingelela ngemusa. Uyalijabulela yini lelilanga lelihle?
Thandi waphendvula. Yebo, Mnumzane. Dlamini! Sente ipikiniki.

"Loku kuvakala kukuhle kakhulu", kwasho Mnumzane Dlamini ahleka. Ungatsandza yini kungisita ngalokutsite? Emehlo aThandi abecwebetela ngekutibuta. "Yebo mnumzane Dlamini!"
Mnumzane Dlamini wakhomba umbhedze wetimbali losedvutane lobewugcwele timbali letinemibalabala. Uyatibona yini letimbali letinhle? Ngidzinga kwati kutsi tingakhi?

Sifuba saThandi sigcwala kutigabatisa. "Ngiyakwati kubala!" washo njalo.
Thandi walandzela ngekutimisela, akhomba imbali ngayinye futsi acala kubala. Timbali letintsatfu te-orange, letine te-purple..... Livi lakhe laphakama ngenca yenjabulo njengobe abetfola tinombolo letisetulu.

Ngesikhatsi sebacedze kuhlobisa letimbali, Mnumzane Dlamini watsi, "Lemijingo lalapho abukeka anesitunge kancane. Bangakhi bangani labanato? Thandi wagijima wacondze kulemijingi, abebala ngeminwe yakhe. Umjingo wekucala, umjingo wesibili……"

NaMnumzane Dlamini wahlanganyela naye, futsi umoya wawugcwele luhleko. Bebajabule kakhulu baze baphakamise tandla tabo emoyeni kutsi Thandi ubala kahle. Imijingo lemibili! Kungenteka kutsi ilindzele bangani babo kutsi bete batewudlala. Ngekushesha, Thandi wabona kukhanya lokusalutfuli. Buka Mnumzane Dlamini! Bokatane labanemsila lomavukuvuku!

Bokatane lababili labanemsila lemavukuvuku bebagijima etjanini babutsa emantongomane. Thandi wahleka. "Umngani munye lonjengakatane, bangani lababili labanjengabokatane...."
Umnumzane Dlamini wachubeka ngekudlala, Kubukeka ngatsi batfole emantongomane lenele kubo bobabili. Ucabanga kutsi timbali nobe imijingi kunyenti la epaki?

Thandi wacala kucabanga, wabindza kancane. "Asesibone".... Wakhulumela phansi, ahlola ngekucophelela totimbili.
Umnumzane Dlamini walindza ngesineke, emehlo akhe agcwala injabulo.

"Tikhona letinye timbali!" Thandi wamemeta ngenjabulo.
"Umsebenti lomuhle, Thandi!" Umnumzane Dlamini wancoma. "Tinombolo tingasisita nasicatsanisa tintfo."

Njengobe lilanga lichubeka, Thandi wachubeka atfola ematfuba ekubala. Abebala tincetu tema-apula, tinyosi letihlabelako letisezingeni lelisetulu, kanye nemafu lanetinhlavu lebekageleta etulu.
Ngesikhatsi sekufika sikhatsi sekuhamba, Thandi wajabula kakhulu. Kubala bekungasito tinombolo nje kuphela; bekuyindlela yekuhlola live lelimtungeletile.

"Ngiyabonga ngekungisita lamuhla, Thandi", kusho Mnumzane Dlamini, amchawula ngesandla. "Khumbula, lepaki igcwele tintfo longatifundza, futsi kubala kungakusita endleleni."
Thandi wahleka. "Ngitawukwenta loko, Mnumzane Dlamini! Sitawubonana esikhatsini lesitako!"

Iyaphela