Tlhaloso ya mareo
Mokokoloko- dilo tšeo di latelanago di sepela di šalanago morago.
Phago- molete wa tlhago wo o lego kutung ya mohlare.

Go kile gwa ba le mošemane yo a nago le kgahlego yo a bitšwago Matome. Matome o be a rata go nyakišiša kaga lefase leo le mo dikologilego. Ka letšatši le lengwe, o ile a tšea leeto la go ithuta ka diphoofolo le dibopiwa tša go fapana tšeo di dirago magae goba madulo a tšona ka tlhago.

Matome o ile o thoma ka go gahlana
le sehlopha sa dinonyana tšeo di bego
di aga dihlaga mohlareng o motelele.
Dinonyana di be di fofela pele le
morago, di kgoboketša mahlokwana le
matlakala bakeng sa go aga legae la
tšona le borutho. Matome o ile a
bogela ka go makala ge dinonyana di
šoma gotee go hlama lefelo le le
bolokegilego bakeng sa mafotwana le
mae a tšona.

Se se latelago, Matome o ile bona
sehlopha sa dinose tšeo di bego di
swaregile di dutše di bobola ka
serapeng sa mebalabala. Dinose di be
di kgoboketša todi go tšwa matšobeng
gomme di a boloka ka diphapošing tša
tšona tša dinose. Matome o ile a ithuta
gore dinose ke diagi tše dibotse kudu
le gore di hlokomela legae la tšona le
lebotse kudu.

Ge Matome a dutše a tšwela pele ka
leeto la gagwe, o ile a gahlana le
molokoloko wa ditšhošwane tše di
šomago ka maatla tšeo di bego di
sepela ka go otlologa. Ditšhošwane di
be di rwele diripana tša dijo le
matlakala di di iša legaeng sa tšona ka
fase ga mobu. Matome o ile a
makatšwa ke ka moo ditšhošwane di
bego di rulagantše le go šoma ka
bokgoni ka gona go ageng legae la
tšona.

Ke moka, Matome o ile a gahlana le
sehlopha sa ditšhwene tšeo di bego di
tshela-tshela go tšwa mohlareng o
mongwe go ya go o mongwe
sethokgweng. Ditšhwene di be di dirile
magae a tšona makaleng, di diriša
matlakala le makala go dira malao a
mabotse. Matome o be a thabela go
bogela ditšhwene tše di bapalago di
dirišana ka magaeng a tšona a ka
godimo ga mehlare.

Ge a dutše a tšwela pele leetong la
gagwe, Matome o ile a bona noga e
thelela e gagaba ka gare ga bjang.
Noga e ile ya hwetša molete o borutho
wo e tataganago ka gare ga wona
gomme ya khutša. Matome o ile a
ithuta gore dinoga di kgona kudu go
hwetša mafelo a a šireletšegilego le a
a utamilego ao di ka a bitšago legae.

Ge letšatši le be le thoma go sobela,
Matome o ile a gahlana le dihlora tseo
di bego le kgoboketša dipeu bakeng sa
marega. Dihlora di be di dula ka
phagong ya mahlare ye borutho yeo e
adilwego ka boya. Matome o ile a
kgahlwa ke ka moo dihlora di bego di
šoma gotee ka gona go aga le go
hlokomela legae la tšona le borutho.

Sa go latela, Matome o ile a gahlana le
kgopa yeo e bego e sepela ka go
nanya go phatša sethokgwa. Kgopa e
be e rwala legae la yona ka
mokokotlo, e lego kgepetla ye e
phadimago yeo e bego e e šireletša le
go e šireletša kae le kae moo e bego e
eya gona. Matome o ile a makatšwa
ke bokgoni bja kgopa bja go rwala
legae la yona kae le kae moo e bego e
eya gona.

Mafelelong Matome o ile a gahlana le
lapa la dikhudu le ikhuditše ka fase ga
mohlare. O ile a bogela ge dikhudu di
be di tsenya dihlogo tša tšona ka gare
ga dikgapetla tša tšona, tšeo di bego
di šoma e le magae a tšona a borutho.
Matome o ile a ithuta gore dikhudu di
be di ka ikgogela ka gare ga
makgapetla a tšona ge di be di ikwa di
tšhogile goba di le kotsing.

Mafelelong a leeto la gagwe, Matome
o ile a lemoga gore diphoofolo le
dibopiwa di na le ditsela tše di
fapanego tša go aga, go hwetša le go
rwala magae a tšona. Legae le lengwe
le le lengwe le be le ikgethile e bile e le
la moswana-noši, go swana le
diphoofolo tšeo di bego di dula go
lona. Matone o ile a boela gae a na le
tebogo e mpsha bakeng sa lefase la
tlhago leo le mo dikologile.

Leeto la Matome la magae a
diphoofolo e bile leeto le le sa
lebalegego leo le mo rutilego go
hlompha le go kgahlwa ke magae ao
diphoofolo a a hlolago tlhagong.