IHLATHULULO MAGAMA

1. Isiboniboni- Yinto esiziqala kiyo bese uyazibona.
2. Nyame! - Yibabazo eliveza ukunyamalala kwento ethileko lapho gade ikhona.
3. ukuhlaba- kuphuma kwelanga ekuseni.
4. Imebhe yenswebu- yindlwana ezenzwa iinswebu.

Bekukhona umsanyana obizwa ngoThulani ogade athanda iinlwanyana ezincani. Ngelinye ilanga, wavuka ekuseni wagijimela ngemuva kwendlu, etonini yakwabo. Bekathanda ukuhlala khona abukele iinlwanyana ezincanii ngombana afuna ukuzibona bona ziphila njani. Uthanda ukuya ekuseni ngombana uyazi bona ilanga nalihlabako nazo ziyaphuma zithamela ilanga.

Uthe asahlezi njalo wabona isiboniboni, wasidopha wasiqalaqala wazibuza bona sibuyaphi ngombana izolo nakezako besingekho, sisebenza ukwenzani sona isiboniboni lesi, wasithatha wasiqalela eduze nyame! ngaphakathi kwaso waya lapho kuhlala khona iinlwanyana ezincani ezikhulumako. Nakafikako wahlangana nabangani ununwana, isiswebu nenyosi.

Bebathabe khulu ukuhlanga noThulani, bakhamba naye bayokhombisa lapha bahlala khona.
Iinswebu thina isikhathi esinengi sihlala la, senza imebhe le ukuze
sikwazi ukuthola ukudla, siyenza ibe minengi khulu bese iinlwanyana
eziphaphako ezifana neempukani ziyabambeka zibhalelwe kuphuma zife bese siyadla.

Baragele phambili nendlela baya la kuhlala khona iinyosi, sihlala la thina ukuze siphile senza iluju elinengi bese siyadla sithanda ukudla okune swigiri, ukuzivikela siyatinya sitjhiya iliva.

Bakhambakhambe bangene lapho kuhlala khona iinunwana thina sihlala la. Ukuze sithole ukudla sikhamba sinukelala phasi umtlhala wephunga elithileko sathola ukudla sikuthuthela la.

Bafike emaphethelweni wekhambo labo, bekathabe khulu uThulani ngombana ufunde koke ebegade afuna ukukwazi ngeenlwanyana ezincani. Bavalelisane nabangani bakhe ahlangane nabo, isiboniboni sambuyisela ekhaya.