Epakini: Indzawo yekudlala yemphakatsi futsi lephitsitelako, levame kuba sendzaweni yekuhlala, leyakhelwe kutsi bantfwana nemindeni bahlangane kute badlale, bativocavoce futsi batijabulise.

Umcintiswane: kusho umcimbi lowenta bantfu lababili nobe ngetulu bahlangane ngenjongo yekubona kutsi ngubani losheshe kunalomunye nobe lonekuhlakanipha.

Sigcoko semphumelelo: ngumklomelo lotfolwa ngulabente kahle nome labaphumelele umdlalo lotsite.

Endzaweni lebeyinekutfula, eFernie bekunenja lebeyingenawo umsila lebeyibitwa ngekutsi nguJabulile. Lenja yayihlakaniphile futsi itsandvwa nguwo wonkhe muntfu.

Thabo lowatiwa njengemnikati waJabulile naye bekanemoya lophansi futsi atsandza kuya epaki ayodlala naJabulile inja yakhe. Phela Jabulile loyo watalwa etemsila lokwamenta wehluka kuletinye tinja. Wonkhe emalanga Jabulile abehlala ahamba nemnikati wakhe Thabo.

Ngalelinye lilanga balibangise epaki bahlangana naMnumzane Sibeko lowatsi, " Jabulile awufuni kuba yincenye yemcintiswane wetinja lotobakhona khona lapha epaki?" watsi nakeva loko Jabulile wagcuma waya etulu adlalisa tindlebe takhe wevakala atsi " Ngiyafuna kuwungenela lomcintiswane mane mina ngitiva ngihlukile kuletinye tinja titongihleka kutsi ngite umsila."

Thabo umnikati waJabulile wevakala atsi "wena uyinja lehlakaniphile kakhulu yite unganawo umsila kodvwa banikati bemujaho bakubona ufanele kuwungenela kungako bakukhetsile". Lamavi amkhutsata kakhulu Jabulile.

Lefika lilanga lemjaho lomkhulu wetinja epaki. Tinja letihlukahlukene tesigodzi tacala kuhlangana epaki kwaze kwashaya sikhatsi sekucala kwemjaho. Kungakhoni kwaJabulile kulindza bekubonakala ngekudlala kwetindlebe takhe.

Kwatsi nakuchuma umsindvo wekucala Jabulile wasuka emagosa waphuma embili, loko kwabuye kwamangalisa banikati baletinye tinja.

"Fakumoya Jabu fakumoya! , fakumoya Jabu fakumoya!" kuhlabela ngekumemeta lokwavakala kuphuma kuThabo umnikati waJabulile nebangani bakhe lobebambongelela bagcuma gcuma ngesikhatsi babona Jabulile aphuma embili emcintiswaneni.

Ekugcineni kwemuncintiswane Jabulile watishiya tonkhe tinja tebanikati lebebamhleka ngesimo sakhe sekungabi nemsila.

Bangani baThabo bakhombisa injabulo lemangalisako bajabulela Jabulile.

Umnumzane Sibeko wevakala atsi "siyakubongisa Jabulile ekuncobeni kwakho lomcintiswano" wase umgcokisa sigcoko semphumelelo. Wasewenta simemetelo sekutsi Jabuliwe nguye lotoba ngumholi welicembu lelisandvwa kusungulwa lekutilolonga emphakathini. Lapho tonkhe tinja tesigodzi titohlanganyela khona kuze tigcine imitimba yato ingulephilile tikhatsi tonke.