Kgale kgale motsaneng wa ga Matlala gobe gona le mafahlana e lego Katlego le Keatlegile gomme ba be ba dula le tatago bona Malose.

Ka le lengwe la matšatši Malose o ile a roma mafahla a gagwe go išetša makgolo wa bona dipanana gomme aba eletša gore ba seke ba tšea tsela ya sethokgwa

Katlego le Keatlegile ebe ele dibodu gomme ba ile ba tšea tsela ya sethokgwa kage ebe ele ya kgauswi.

Ba ile ba sale gare ba swere tsela kege go tšwelela Tšhwene. Lege ba be ba pipile dipanana tša bona ka lešela Tšhwene ebe e di kwele ka monkgo.

E ile ya gwelela ka lentšu le bogale gomme Katlego le Keatlegile ba tšhoga mo ba ilego ba wiša mmanki wa bona wa dipanana.

Ka lentšu le bogale Tšhwene yare "hee lena bananyana mpheng mmanki owe wa lena ge eba lesa nyaka go bona ba lapa la lena". Katlego le Keaatlegile ba ile bafa Tšhwene mmanki ka letšhogo.

Tšhwene e ile ya tsenelela dipanana tšeo gomme mafahlana ao abe asa tsebe gore a direng.

Ba ile basa dutši kege go tšwelela Mpša e hlasela Tšhwene yeo. Ka madimabe e hweditše Tšhwene e feditše dipanana ka moka.

Ba ile ba leba gae goyo hlalosetša tatago bona ka seo se diragetšego.

Tatago bona obe a befetšwe kudu gomme aba fa kotlo ya gore gaba sa tlilo tšwa ka kgoro ntle lege ba eya sekolong.

TLHALOSO YA MANTŠU

Mafahla- bana ba motho bao ba belegego ka letšatši le tee ba babedi.
Sethokgwa- lefelo leo le senago metse gosa dule batho lago tlala ka mehlare.