Dijo tša mesong.....dijo tše di jewago mesong, tša mathomo tša letšatši
sehlare sa khokhonate....sehlare se setelele sa mopalema seo se tšweletšago khokhonate, yeo e melago kudu ke mabopong a lebopong
Leru le lefsifsi....maru a tletseng pula
Molalatladi ....mebala ye mebotse ye šupa yeo e tšwelelago leratadimeng ka morago ga pula.
shock....tiragalo goba maitemogelo a go nyamiša goba a go makatša gateetee
Seširo....sedirišwa sa tšhireletšo seo se šomišwago gore šireletša pula

E be e le mesong ya Mošupologo ele letšatši la sekolo. Letšatši le be le phadima gomme magodimo a le botalalerata. Dinonyana tša motse di be di opela gomme go bonagala e tla ba letšatši le lebotse.

Naledi o be a thabile go ya sekolong ka ge e be ele letšatši la mathomo la sekolo ka morago ga maikhutšo. Ka ntle, go be go na le mogwera wa gagwe Jabu, yo le yena a sa kgonego go ema go ya sekolong , a emetše gore Naledi a fetše gore ba kgone go sepela mmogo.

Naledi o be a feditše go lokišetša, a ja dijo tša gagwe tša mesong gomme e be e le nako ya gore ba tsamaye. Ge ba sepela go ya sekolong, magodimo a matala a thoma go fetoga gomme maru a be a fifala gomme letšatši le le phadimago le nyameletše ka gare ga maru.

Ba lebelelana ka go tšhoga eupša ba tšwela pele go sepela. Ge ba sa sepela ya thoma, marothodi a mabedi thoma. A mangwe a latela a tšwa leratadimeng gomme ka morago pula ya thoma go na kudu.

Naledi le Jabu ba kitimela morago ntlong ba be ba sa nyake go kolobiša ke pula.Ba fihla ntlong difahlego di shoshobane ka ge ba be ba ikwa ba nyamile ebile ba nyaka goya sekolong.

Mmago Naledi a ba botšiša gore ke ka lebaka la eng ba bonala ba nyamile gomme ba re 're nyaka goya sekolong eupša pula e yana ka ntle, ebile re hlologetšwe go bapala le bagwera ba rena sekolong le morutiši wa rena".

Mmagwe o ile a re "Letšatši la pula le ka se le thibele go ipshina ka letšatši la lena, le lena le ka kgona go ipshina ka pula". O ile a ba fa seširo gomme a ba botša gore ba ye sekolong.

Naledi le Jabu ba tšwile ka ntlong ba apere seširo gomme ba thoma go opela le go bina ka gare ga pula.
'Ka fase ga seširo sa ka,'
'Ka fase ga sehlare sa khokhonate'
'Go ya sekolong mmogo'
'Re emetše le go emela wena'

Ge ba sa opela, pula ya ema gomme gateetee molalatladi wa tšwelela. O be o le botse ka mebala ya wona ka moka gomme magodimo a le botalalerata gape letšatši la phadima.

Ba thabile kudu gomme ba fihla sekolong sa bona. Ba bile le letšatši le le rategago ba bapala le bagwera ba bona.