Inja ebuthaka.
Pretty Nkuna
Pretty Nkuna
isiNdebele

Yisikhathi sehlobo,utjani buhlaza begodu nenhlahla zihle endaweni yakwa Nongoma.Le yindawo ekulu begodu abantu bahlala basebenza.Umuzi kaJabu uhlanu kweentolo ezihle.UJabu ngumakhenikha weenkoloyi begodu usebenzela hlanu kwentolo.

1

Ngelinye ilanga uJabu wathi nakaya emzini wakhe wabona inja encani ehle.UJabu akazithandi inlwane kodwana waqabanga wathi, ''Wu! mara injana le iyarhawula,angekhe ngarhona ukuyitjhiya lapha emakhazeni''.UJabu wakhamba nayo emzinakhe.

2

UJabu Khabe aphila kamnandi begodu bekakholwa ukuthi izinja kufanele zidle insalelo zokudla kwabantu .Khabe athanda akuphakela ubhobi amathambo wenyama ebekayidla ngamalanga.

3

UBhobi wagcina sele anomngani adlala naye ngamalanga,ibizo lakhe nguMonki .UMonki walemuka bona uBhobi akafani nezinye izinja bese wamubuza wathi, ''Kubayini uhlala udiniwe?''.UBhobi wathi ,"Kubayini utjho njalo?''.UMonki wathi , "Ukhamba kabuthaka begodu udlala buthaka kunami Bhobi''.

4

Elangeni elilndelako uBhobi bekaditjhe nomnganakhe.UBhobi wazizwa adinwe khulu bese wawela phasi.UMonki warhuwelela uJabu wathi, ''Jabu siza!''.

5

UJabu wezwa iphimbo laka Monki bese wafika wathatha uBhobi ,wagijima naye amugugile ,wamusa emtholapilo wenlwane.

6

Udorhodere wasebenzisa imitjhini yakhe ukuhlola bona umraro kaBhobi yini.Wathi nakaqeda ukumuhlola wathi ,"Inja le inamathambo emphinjeni begodu avale iphayiphu lokudlulisa umoya wokuphefumula.Nayingalisi ukuwadla ingagcina ihlongakele .Amathambo la ayilimaza undinyana begoda enza bona kubenzima ukuya endlini encani''.

UJabu walila khulu nakezwa lokhu ngombana bekangazi ubumbi obenziwa mathambo awapha inja yakhe.

7

Udorhodere watjela uJabu ukuthi angasaphi inja yakhe amathambo ngombana ayingozi.Wathi ayiphe ukudla kwezinja nakha ama apula nokhunye ukudla okungeke kuyilimaze emzimbeni.

8

UJabu walisa ukupha uBhobi amathambo.Wathengela ubhobi ukudla kwezinja nokhunye ukudla okunepilo.UBhobi wathoma mhlokho ukuba yinja ekhombisa ukuthaba begodu waba yinja ethanda ukugijima.

9

ihlathululo yamagama (glossary)

Umakhenikha weengkoloyi- mumuntu olungisa inkoloyi.

Umtholapilo weenlwane- yindawo ekusiwa kiyo inlwane ezigulako nezilimeleko.

Insalelo zokudla -kukudla okuseleko lokha umunta nabekadla.

udorhodere weenlwane- mumuntu olapha inlwane nazigulako.

10

Name Pretty thandiwe Nkuna
student number 219022119

11
You are free to download, copy, translate or adapt this story and use the illustrations as long as you attribute in the following way:
Inja ebuthaka.
Author - Pretty Nkuna
Illustration - Pretty Nkuna, Microsoft AI Goagle
Language - isiNdebele
Level - Longer paragraphs
© African Storybook Initiative 2024
Creative Commons: Attribution 4.0
Source www.africanstorybook.org
Original source