Kgalekgale gobe go nale mosetsana ba rego ke Kolo. Kolo obe a dula nagaeng mo go bego go nale mehlare e me tala,tala. Kolo obe a rata goya mafelong a maswa ao a bego a sa a tsebe go ithuta bontšhi ka ona. Kolo obe a rata go ithuta dilo tše diswa ka tikologo ya gagwe.

Ka tšatši le lengwe mesong Kolo o tsogile le leano. O be a nyaka go thuša koko wagwe ka serapeng. O be a tseba gore koko wa gagwe o šoma boima go godiša merogo gore ba kgone go ja ka lapeng, fela matšatši a mangwe obe a phela a lapile. Ka bothakga, Kolo oile aya serapeng a khwetša koko a ntšha mehlare yeo e sa hlokegego ka serapeng letšaši le fiša.

Koko o ile a thaba ge a mofa kgarafo. Ba ile ba šoma mmogo ba bjala, ba nwešetša mehlare ebile ba hlagola. Ge bale gare ba šoma, koko o be a botša Kolo dikanegelo tša ge a sa gola le bohlokwa bja go hlokomela tikologo. O rutile Kolo go bjala ka lerato, khohlelelo le go leboga botse bja thlago

Ge letšatši le sobela, serapa se be se tletše ka mebala ya go kgahliša le monkgo wo bose wa matšoba, Kolo o ile a lebelela koko wa gagwe ka boikgantšho. O be a ithutile kudu ka bokgoni bja bophelo bja go swana le go šoma ka sehlopha, maikarabelo le go hlokomela tikologo.

Go tloga letšatšing leo go ya pele, Kolo le koko wa gagwe ba ile ba tšwela pele go šoma mmogo ka serapeng, ba godiša dibjalo le go di lebelela di gola. Gomme ge ba dira bjalo, Kolo o be a tseba gore o ithutile dithuto tša bohlokwa tšeo di bego di tla dula le yena bophelo ka moka.

Thlalošo ya mareo.

Serapana: Mo go bjalwago merogo le mehlare.
Tikologo: Lefelo
Dikanegelo: Ditaba o ka botšwago tšona tša gore di ile da direga.