Petere: nonyana e bohlale kudu. Ke moanegwathwadi ka mo go padi ye.

Bodiba: Sehlopha se segolo sa meetse ao a dikaneditšwe ke naga.

Sethokgwa: lefelo leo go nalego mehlare e mentšhi kudu, gona go dula diphoofolo tša naga.

Ka letšatši le lengwe, nonyana yeo e bitšwago
Petere e be e fofa ka gare ga sethokgwa, e lebelela seboko se sekoto sa go rothiša mare seo e ka se jago.

O ile a bona seboko seo se bego se gogoba kua fase. Gomme yena Petere o ile a fofela fase go ya go topa seboko seo.

Petere o rile a sa leka go topa seboko seo gomme Katse a tšwelela a leka go swara Petere. O be a nyaka go dira Petere dijo tša gagwe tša matena.

E feela Katse o rile a sa re o tla swara Petere. Nonyana ye nngwe ya tšwelela e fofela go bona.

E be e le Leribiši le legolo, gomme lona le ile la topa Katse ka mosela gomme la fofa le yena.

Leribiši o ile a lahlela Katse ka bodibeng, gomme Katse ga se a ka a bonagala gape ka morago ga moo.

Petere o ile a leboga kudu go Leribiši ka ge a phološitše bophelo bja gagwe.

Petere o ile a napa a tšea sepheto sa gore a be mogwera wa Leribiši gomme o ile a ithuta dilo tše dintšhi go tšwa go yena.

Leribiši o ile a ruta Petere dilo tše ntšhi tšeo e lego, go mo ruta mehuta ya go fapana ya dinonyana, kotsi yeo e lego gona ka fao sethokgweng le mafelo a makaone a go hwetša dijo.

Petere o ile a ba nonyana e bohlale kudu ya go tlala tsebo, gomme seo se tlišitšwe ke segwera sa gagwe le Leribiši.