Lepokisi la matena: Sebjana sa go rwala dijo, ka tlwaelo e le dijo tše di phuthetšwego, dijo tše dinyenyane goba dino, kudu-kudu bakeng sa sekolo goba go tšwa.
Leeto: Leeto le lekopana goba le letelele, gantši ka merero ya boiketlo goba ya thuto.

(Mesong,sekolong ka phapošing ya mphato wa boraro)
"Thobela barutwana,sekolo se rulagantše leeto la go ya serapeng sa diphoofolo leo le lego ka morago ga matšatši a mabedi ao a tlago",a realo morutiši.

"Mogwera,ke thabile kudu go kwa ka ga leeto le", a realo Matome. " Lenna ke thabile mogwera.Ke fela pelo go bona ditau, ditlou le dibopiwa tše dingwe ka moka tšeo re badilego ka tšona", gwa bolela Lesiba ka go tlala lethabo.

Pese e ile ya fihla gomme Matome le Lesiba ba dula mmogo. Ka peseng go be go tletše ka disego le dikoša, gape morutišigadi Lekgau o be a ba neela dintlha tše di thabišago mabapi le serapa sa diphoofolo.

"Ijoo! ke lebetše lepokisana laka la dijo ka gae,a realo Lesiba". " O se tshwenyege mogwera ke tla go abela dijo tša ka tša mosegare". Ba ile ba dula fase kgauswi le lešaka la dithutlwa gomme ba ipshina ka dijo tša mmogo.

Ka lepokising la dijo tša matena la Matome, go be go na le disangwetši tša tamati le tšhese, apola e lapološago, tšhokolete le lebotlelo la seno.

"Ke leboga ge o nkabetše dijo tša gago tša matena, o mogwera wa potego ." a realo Lesiba ka myemyelo.
"Ga go na le ka bothata mogwera, tseba gore ke go rata kudu,a realo Matome."
Matome le Lesiba ba ile ba gokarelana.